Mamyrdaǵy mereke kúnderi Astanadaǵy keıbir joldar jabylady
ASTANA. QazAqparat - 1 mamyr - Qazaqstan halqynyń birligi kúni merekesi aıasynda elordalyq polıtseıler kúsheıtilgen tártipte jumys isteıdi. Bul týraly búgin Ortalyq kommýnıkatsııalar qyzmetinde osy merekeni atap ótýge baılanysty ótken brıfıngte málim boldy.
Astanada jalpy qoǵamdyq tártip pen jol qaýipsizdigin qamtamasyz etý maqsatynda Astana ishki ister departamentiniń 2,5 myńnan astam jol-patrýldik polıtsııasynyń qyzmetkerleri jumyldyrylady.
Budan bólek, 1 mamyr kúni saǵat 7-den bastap, merekelik shara aıaqtalǵansha myna kóshelerde joldar jabylady:
Táýelsizdik dańǵyly boıynsha R. Qoshqarbaev pen Sh. Qaldaıaqov kósheleri ýchaskesi aralyǵynda;
A. Baıtursynov dańǵyly boıynsha B. Momyshuly men Amanjolov kóshesi aralyǵy;
Amanjolov kóshesi boıynsha R. Qoshqarbaevtan Nájimedenov kóshesine deıin;
Sh. Qaldaıaqov kóshesi boıynsha Syǵanaq-Orynbor kóshelerinen Táýelsizdik dańǵylyna deıin.
Sonymen qatar áskerı sherýge daıyndyqqa oraı 2-7 mamyr aralyǵynda da Táýelsizdik, Saraıshyq, Baıtursynov, Qoshqarbaev, Amanjolov, Syǵanaq, Qaldaıaqov kóshelerinde kólik qozǵalysy shekteledi.
