Mamyrda jumysqa 78 myń adam qabyldandy - QR Statıstıka agenttigi

ASTANA. QazAqparat - Aǵymdaǵy jylǵy mamyrdaǵy derekterge sáıkes, iri jáne orta kásiporyndarǵa jáne uıymdarǵa 78,6 myń adam qabyldandy, sondaı-aq túrli sebeptermen 75,5 myń adam jumystan ketti.

«Jumystan ketken qyzmetkerlerdiń arasynda turaqtamaý sebepteri boıynsha jumystan bosatylǵandar 85,7 paıyzdy, qyzmetkerler sanynyń qysqartylýyna nemese kásiporynnyń taratylýyna baılanysty - 1,7 paıyzdy, basqa sebepter boıynsha ketýi - 12,6 paıyzdy quraıdy», - delingen QR Statıstıka agenttiginiń málimetinde.

Aǵymdaǵy jylǵy mamyrda jumysqa qabyldaý boıynsha aınalym koeffıtsıenti 2,4 paıyzdy, jumystan bosatý boıynsha aınalym - 2,3 paıyzdy, jumys kúshiniń turaqsyzdyq koeffıtsıenti - 2 paıyzdy qurady. Osy kezeńde jumys kúshin aýystyrý koeffıtsıenti 104,2 paıyzdy qamtydy.