Mamyrda Óskemen men Semeı turǵyndary osyǵan deıin berilgen ruqsattamamen júredi
Óskemen, Semeı aýmaǵynda jurttyń júris-turysy tek ruqsat qaǵazy arqyly júzege asýda. Ruqsattamanyń jasyl túsi - jup kúni, al aq túsi - aıdyń tek taq kúnderi shyǵýǵa múmkindik beredi.
Sol arqyly turǵyndar aptasyna 3 ret saýda nysandaryna, dárihanalarǵa, bankter men medıtsına mekemelerine barýda. Endi olar mamyr aıynda osyǵan deıin berilgen ruqsattamalarmen júre alady.
«25 sáýir men 3 mamyr aralyǵynda avtokólikke arnalǵan qyzyl jáne jasyl tústi ruqsattama qyzyl jáne kók túske jańartylýda. Ruqsat qaǵazdaryn berý ruksat.e-vko.kz portalyndaǵy tizim boıynsha júzege asyrylady. Kóliktiń qyzyl tústi ruqsattamasy shahardyń tynys-tirshiligin qamtamasyz etetin uıymdardyń jáne iri ónerkásiptik kásiporyndarynyń qyzmetkerlerine beriledi. Al kók túsi negizgi kásiporyndarǵa qyzmet kórsetetin mekemelerge (qoǵamdyq jáne taýarlardy jetkizýge arnalǵan kólikter jáne basqa), zańdy tulǵalarǵa arnalǵan» delingen ShQO Aqparat ortalyǵy taratqan málimette.