Mamyrda kúnkóristiń eń tómengi deńgeıi 15 938 teńgeni qurady
ASTANA. 1 maýsym. QazAqparat - Aǵymdaǵy jylǵy mamyrda kúnkóristiń eń tómengi deńgeıiniń shamasy 15 938 teńgeni qurady, dep habarlady QR Statıstıka agenttiginiń baspasóz qyzmetinen.
Negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2011 jylǵy mamyrda ótken aımen salystyrǵanda 0,8, 2010 jylǵy mamyrmen salystyrǵanda 21,9 paıyzǵa ósti. Onyń qurylymynda et pen balyqty satyp alýǵa jumsalǵan shyǵystardyń úlesi 19,9, sút, maı-toń maı ónimderi men jumyrtqaǵa - 15,8, jemister men kókónisterge - 13,4, nan jáne jarma ónimderine - 8,1, qant, shaı jáne dámdeýishterge 2,8 paıyzdy qurady.
