Mamyrda gaz boıynsha ulttyq operator qurýdy qarastyratyn zań jobasy Úkimetke joldanady
ASTANA. 5 sáýir. QazAqparat /Marlan Jıembaı/ - QR Munaı jáne gaz mınıstrligi mamyr aıynda gaz boıynsha ulttyq operator qurýdy qarastyratyn zań jobasyn Úkimetke joldaıdy.
Bul týraly búgin atalǵan vedomstvonyń vıtse-mınıstri Lázzat Qıynov málim etti.
«Biz mamyrda munaı ónimderi, odan keıin gaz aınalymy týraly zańdy Úkimetke tapsyrǵyzymyz keledi», - dedi vıtse-mınıstr QR Parlamenti ǵımaratynda BAQ ókilderine.
Onyń atap ótýinshe, atalǵan zań jobasy gaz boıynsha ulttyq operator qurýdy qarastyrady. Al ol mindet kimge júkteletindigin Úkimet óz qaýlysymen aıqyndaıdy.
Bul operatordyń satylymǵa shyǵarylǵan elimizdiń barlyq gazyn kóterme baǵamen satyp alatyndyǵyn atap ótken L.Qıynov: «Onyń basty mindeti birinshi kezekte eldiń ishki suranysyn qamtamasyz etý, odan keıin ǵana eksportqa shyǵarý bolady», - dedi.
Vıtse-mınıstrdiń sózine qaraǵanda, zań qabyldanyp, ulttyq operator aıqyndalǵannan keıin elimizdegi gaz óndiretin kompanııalar ónimin eksportqa shyǵarmaıtyn bolady.
