Mamyrda eń tómengi kúnkóris deńgeıi 28 324 teńge boldy
NUR-SULTAN. QazAqparat - 2019 jylǵy mamyrda eń tómengi kúnkóris deńgeıiniń shamasy 28 324 teńgeni qurady. Bul jaıynda QR UEM Statıstıka komıtetinen málim etti, dep habarlaıdy QazAqparat tilshisi.
Vedomstvo málimetinshe, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy eń tómengi kúnkóris deńgeıiniń shamasy 2019 jylǵy mamyrda 2018 jylǵy jeltoqsanmen salystyrǵanda 7,1 paıyzǵa joǵarylady. Onyń qurylymynda et pen balyqty satyp alýǵa jumsalǵan shyǵystardyń úlesi - 20,2, sút, toń maı ónimderi men jumyrtqany - 15,5, jemister men kókónisterdi - 9,5, nan jáne jarma ónimderin - 7,6, qant, shaı jáne dámdeýishterdi 2,2 paıyz qurady.
