Mamyrda eń az jalaqyny aýyl jáne orman sharýashylyqtarynyń qyzmetkerleri aldy
ASTANA. 11 shilde. QazAqparat - Bıylǵy mamyrda bir jumysshynyń ortasha aılyq ataýly jalaqysy 98942 teńgeni qurady.
QR Statıstıka agenttiginiń málimetinshe, salalyq qurylym boıynsha eń joǵary eńbekaqy kásibı, ǵylymı jáne tehnıkalyq qyzmetterde (188,4 myń teńge, ortasha respýblıkalyq deńgeıden 1,9 esege artyq), qarjylyq jáne saqtandyrý salasynda (182,8 myń teńge), taý-ken ónerkásibinde (180,5 myń teńge) tirkeldi.
Eń tómengi jalaqy aýyl, orman, balyq sharýashylyqtarynda, ıaǵnı 53,8 myń teńge kóleminde boldy. Bul óz kezeginde el boıynsha ortasha kórsetkishten 45,6 paıyzǵa tómen.
Óńirler boıynsha joǵary jalaqynyń ortasha kórsetkishi Atyraý oblysynda (173,4 myń teńge) baıqaldy. Al Soltústik Qazaqstanda onyń deńgeıi 67,7 myń teńge kóleminde. Elimiz boıynsha ortasha deńgeıden 31,5 paıyzǵa tómen bolyp otyr.
