Mamyr aıynyń úzdik sportshysyna daýys berý bastaldy

Qazaqstan Ulttyq Olımpıada komıteti ár aıdyń úzdik komandasyn, sportshysyn anyqtaýdy jalǵastyrady. Mamyr aıynyń úzdigi úshin daýys berý 8 maýsym, saǵat 13:00-ge deıin jalǵasady.

Slalomdy esýden Qazaqstan komandasy
QR komandasyna Olımpıada oıyndarynyń eki joldamasyn slalomdy esý sportynyń ókilderi syılady. Taılandtyń Pattaııa qalasynda ótken Azııa aımaqtyq irikteý týrnırinde Aleksandr Kýlıkov pen Ekaterına Smırnovalar top jaryp, tıisinshe Tokıo oıyndaryna lıtsenzııa utyp aldy. Kýlıkov kanoemen esýden, Smırnova baıdarkamen esýden jeńiske jetken bolatyn. Slalomdy esýden Qazaqstan komandasy osymen tórtinshi ret Olımpıada oıyndaryna qatysqaly otyr.

Kanoe men baıdarkada esýden Qazaqstan komandasy
Pattaııa qalasynda kanoe men baıdarkada esýden Olımpıada joldamalary sarapqa salynǵan bolatyn. Bul synda otandyq sportshylar úsh joldama jeńip aldy. Aǵaıyndy Sergeı jáne Tımofeı Emelıanovtar eki adamdyq kanoeden 1000 metrge jarysýdan lıtsenzııaǵa ıelik etti. Sondaı-aq, bir adamdyq baıdarkamen 500 metrge jarysýdan Natalıa Sergeeva, eki adamdyq kanoemen 500 metrge jarysýdan Svetlana Ýsova men Margarıta Torlopova top jaryp, Tokıo oıyndaryna qatysý quqyǵyn ıelendi.

Bokstan Qazaqstan áıelder komandasy

Birikken Arab Ámirlikteriniń Dýbaı qalasynda bokstan erler men áıelder arasyndaǵy Azııa birinshiligi aıaqtalyp, Qazaqstan áıelder komandasy jańa rekord ornatty. Bul synda Erik Alǵabek shákirtteri jalpy esebi 8 altyn, 1 kúmis jáne 1 qola medal jeńip aldy. Bizdiń komanda sapynan Alýa Balqybekova (48 keli), Nazym Qyzaıbaı (51 keli), Dına Jolaman (54 keli), Rımma Volosenko (60 keli), Mılana Safronova (64 keli), Valentına Halzova (69 keli), Farıza Sholtaı (81 keli) jáne Lázzat Kúngeıbaeva (+81 keli) chempıon atandy. Vladıslava Kýhta (57 keli) kúmis, Marına Volnova (75 keli) qola júldegerler qatarynda.

Vladıslav ıAkovlev, akademııalyq esý

Japonııanyń Tokıo qalasynda ótken Azııa aımaqtyq irikteý týrnırinde akademııalyq esýden Qazaqstan komandasynyń múshesi Vladıslav ıAkovlev Olımpıada joldamasyn jeńip aldy. Ol erler arasyndaǵy jekeleı synda óner kórsetken bolatyn. Fınalda Vladıslav ıAkovlev Japonııa jáne Iran sportshylaryn alǵa jiberip, qola júldeger atandy. Іrikteý týrnıriniń jańa erejesine sáıkes, Tokıo Olımpıadasyna barý quqyǵy ıAkovlevke berildi. Osylaısha, qazaqstandyq sportshy óziniń ekinshi Olımpıadasyna daıyndalý ústinde.

Janna Mamajanova, jeńil atletıka
Jeńil atletıkadan Qazaqstan komandasynyń múshesi, marafonshy Janna Mamajanova Tokıo Olımpıadasyna joldama jeńip aldy. Ol Avstrııadaǵy marafonshylar jarysynyń jeńimpazy atandy. Jannanyń ýaqyt kórsetkishi – 2:29.01 sekýnd. Bul Olımpıada oıyndarynda óner kórsetý úshin jetkilikti nátıde. Avstrııadaǵy týrnırde Mamajanova Chehııa men Shvetsııa sportshylaryn artta qaldyrdy.

Hokkeıden Qazaqstan komandasy

Shaıbaly hokkeıden Latvııanyń Rıga qalasyndaǵy álem chempıonatynyń toptyq kezeńi aıaqtaldy. V tobynda synǵa túsken Qazaqstan komandasy ázirge 10 upaımen úshinshi orynda keledi. Ótken aptada ıÝrıı Mıhaılıs shákirtteri AQSh (0:3) pen Kanada (2:4) komandalaryna ese jiberip, Germanııa (3:2) men Italııa (11:3) quramalaryn jeńdi. Buǵan deıin Latvııa jáne Fınlıandııa komandalaryn qazaqstandyqtar býllıt serııasy boıynsha jeńgen bolatyn. Toptaǵy sońǵy oıynda qazaqstandyqtar Norvegııaǵa 1:3 esebimen jol berdi. Endi komandanyń shırek fınalǵa ótý múmkindigi Fınlıandııa men Kanada arasyndaǵy kezdesýden soń belgili bolmaq. Match nátıjesi qandaı bolsa da, álem chempıondary Fınlıandııa men Olımpıada júldegeri Germanııany utqan otandyq hokkeıshiler maqtaýǵa ábden laıyq.

Qaısar Alpysbaı, karate

Portýgalııanyń Lıssabon qalasynda karateden Premer-lıga kezeńi ótken bolatyn. Qazaqstandyqtar atalǵan týrnırden úsh medal jeńip aldy. 60 kelide synǵa túsken Qaısar Alpysbaı barlyq qarsylastarynan basym túsip, chempıon atandy. Qaısar fınalda latvııalyq Kalvıs Kalnynshti utqanyn esterińizge salamyz.

Aýyr atletıkadan Qazaqstan komandasy

Ózbekstan astanasy Tashkentte aýyr atletıkadan jasóspirimder arasyndaǵy álem chempıonaty aıaqtalyp, qazaqstandyq atletter alty medal jeńip aldy. Tashkent tórinde Abylaı Áýelhanov (55 keli), Rahat Bekbolat (102 keli) jáne Aısamal Sansyzbaeva (+87 keli) altyn júldeger atanyp, el ánuranyn sharyqtatty. Alekseı Drozdov (61 keli) pen Aqmolda Saıramkez (67 keli) kúmis júlde ıelense, Gúlnur Ybyraı (64 keli) qola júldegerler qataryna qosyldy. Jalpykomandalyq esepte Qazaqstan alǵashqy bestikke enip, álemdik syndy tabysty aıaqtady.

Taekvondodan Qazaqstan komandasy

Iordanııanyń Amman qalasynda ótken Azııa aımaqtyq irikteý týrnırinde qazaqstandyqtar – Jansel Denız ben Rýslan Japarov Olımpıada joldamasyn jeńip aldy. Olar óz salmaqtarynda týrnır jeńimpazy atanyp, tıisinshe Tokıo oıyndaryna qatysý múmkindigin aldy. Aıta ketelik, eki sportshy da Rıo Olımpıadasynda el namysyn qorǵaǵan bolatyn.