Mamyr aıyndaǵy merekeler kezinde qosymsha poıyzdar shyǵarylady

Nur-Sultan. QazAqparat - Mamyr aıyndaǵy merekeler qarsańynda qosymsha poıyzdar shyǵarylady jáne jolaýshylar kóp bolatyn baǵyttardyń poıyzdaryna qosymsha vagondar tirkeledi, dep habarlaıdy QazAqparat «Jolaýshylar tasymaly» kompanııasyna silteme jasap.

«Eki baǵyt boıynsha qosymsha poıyzshyǵarylady. Bular : №205/206 «Almaty-2-Túrkistan» baǵyty boıynsha «Almaty-2-den 2 jáne 9 mamyr kúnderi, al Túrkistannan sáıkesinshe 3 jáne 10 mamyr kúnderi jolǵa attanady.

№207/208 «Aqtóbe-Beıneý» baǵyty boıynsha Aqtóbeden 30 sáýir, 2, 4, 7 jáne 9 mamyr kúnderi, al Beıneýden sáıkesinshe 1, 3, 5, 8 jáne 10 mamyr kúnderi jolǵa shyǵady», delingen habarlamada.

Sondaı-aq, qalamańy tasymaly boıynsha bir baǵyttaǵy №7510 «Nur-Sultan-1-Pavlodar» poıyzy «Nur-Sultan-1» den 8 mamyr kúni jóneltiledi.

Aldaǵy mamyr merekelerindegi suranysty eskere otyryp jolaýshy kóp júretin birqatar baǵyttarǵa qosymsha vagondar tirkeledi.f

Tolyq aqparatty «105» anyqtama telefonynan ala alasyzdar (statsıonarlyq telefonnan qońyraý shalý tegin).

Eske sala ketsek, mamyr aıynda Qazaqstan halqy birligi kúni, Otan qorǵaýshy kúni jáne Jeńis kúni atalyp ótiledi.