Mamyr aıyndaǵy mereke kúnderi jaýyn-shashyndy bolady
ASTANA. QazAqparat - «Qazgıdromet» RMK aǵymdaǵy jyldyń 30 sáýiri-2 mamyry aralyǵyndaǵy demalys jáne mereke kúnderine arnalǵan aýa raıy boljamyn taratty.
«Sáýir men mamyr - qazaqstanda eń kóp jaýyn-shashyn túsetin aılar. Bıylǵy jyly da týra solaı boldy. Sáýirdiń sońǵy kúni men mamyr aıynyń basynda respýblıkanyń kóptegen aýdandarynda atmosferalyq aǵyndardyń áserimen naızaǵaı jarqyldap, ótkinshi jańbyr jaýady, ońtústik-shyǵystyń taýly aýdandarynda jaýyn-shashynnyń mol túsýi kútilip otyr», - delingen habarlamada.
Sınoptıkterdiń aqparatynsha, senbi kúni soltústik, shyǵys jáne ortalyq oblystarda túnde jańbyrdyń sýly qarǵa ulasýy múmkin, mundaǵy aýanyń temperatýrasy kópjyldyq mánderinen 1-3 gradýs tómen bolatyny kútilýde, jáne mundaı temperatýra boljanyp otyrǵan barlyq kezeńde saqtalady. Respýblıkanyń qalǵan aýmaǵynda ortasha táýliktiń aýa temperatýrasy ortasha mánderinen 2-6 gradýs joǵary bolatyny kútilip otyr.
