Mamyr aıynda jolaýshylar sanynyń artýyna baılanysty qosymsha poıyzdar júretin bolady

ASTANA. 27 sáýir. QazAqparat - Mamyr aıynda, onyń ishinde mereke kúnderin qosa alǵanda elimizde jolaýshylar aǵynynyń artýyna baılanysty «Jolaýshylar tasymaly» AQ qosymsha júrdek poıyzdar shyǵarylatynyn habarlaıdy.

Bul týraly kompanııanyń baspasóz qyzmetinen habarlandy.

Atap aıtqanda: 1) № 503/504 qatynasy boıynsha «Almaty-2 - Astana» baǵytyna bir reıs: «Almaty-2» vokzalynan jóneltilim 28 sáýir kúni 17 saǵat 43 mınýtta, al Astanadan 29 sáýir 21 saǵat 43 mınýtta qatynaıdy;

2) №35/36 qatynasyna «Almaty-2 - Shymkent» baǵyty boıynsha 30 sáýir men 26 mamyr aralyǵynda aptasyna úsh ret, «Almaty-2» vokzalynan jóneltilim ár seısenbi, beısenbi jáne senbi saıyn 22 saǵat 10 mınýtta, al Shymkentten sársenbi, juma jáne jeksenbi kúnderi 22 saǵat 10 mınýta júretin bolady.

Júrdek poıyzdardyń árbir quramy «Talgonyń» 23 vagonynan turady, onyń ishinde: 19 vagon «Týrıst» klasyna jatady, 1 vagon-restoran, 1 vagon-kafeterıı jáne 2 tehnıkalyq vagondar.