Mamyr aıynda turǵyn úıdi alyp-satý 19% azaıdy – statıstıka

NUR-SULTAN. QazAqparat – Mamyr aıynda Qazaqstanda baspanany satý-satyp alý mámileleriniń sany 19,0% azaıdy. Bul týraly QR Strategııalyq josparlaý jáne reformalar agenttigi Ulttyq statıstıka bıýrosynan málim etti, dep habarlaıdy QazAqparat.

Bıylǵy qańtar-maýsym aralyǵynda turǵyn úılerdi satý-satyp alý boıynsha 223 391 mámile jasalǵan. Mamyr aıynda mámileler sany 48 351 qurady, bul sáýir aıymen salystyrǵanda 19,0% az.

Jalpy, bıylǵyqańtar-mamyrda turǵyn úıdi saý-satyp alý mámileleriniń sany ótken jylǵy tıisti kezeńmen salystyrǵanda 2,5 esege artqan.

Óńirler boıynsha alsaq, mamyr aıynda baspanany alyp-satý kelisimderi eń kóp Almaty qalasynda jasalǵan – 6 188 (onyń ishinde jeke úıler – 630, kópqabatty úıdegi páterler – 5 488). Odan keıin oryndarda Qaraǵandy oblysy – 6 055 (1 009 / 5 046), Mańǵystaý oblysy – 5 135 (1 753 / 3 382), Nur-Sultan qalasy – 4 948 (185 / 4 763) tur.

Sondaı-aq Ulttyq statıstıka bıýrosy mamyr aıynda elimizde baspana baǵasy qalaı ózgergenin aıtqan bolatyn.