Mamyr aıynda kommýnaldyq qyzmetter men janar-jaǵarmaıǵa tarıf kóterilmeıdi

Bul týraly búgin elordada uıymdastyrylǵan brıfıng barysynda QR Tabıǵı monopolııalardy retteý agenttiginiń tóraǵasy Murat Ospanov málim etti.

«Mamyr aıynda respýblıka boıynsha retteletin kommýnaldyq qyzmetterge jáne janar-jaǵarmaıǵa tarıfter kóterilmeıdi»,-dedi ol.

Degenmen, agenttik basshysynyń atap ótýinshe, 1 mamyrdan bastap Shyǵys Qazaqstan oblysynyń Semeı qalasynda sýmen jabdyqtaý jáne káris qyzmetterine shekti tarıfter engizildi. Osy qyzmetterdi «Semeı sý arnasy» kásiporny kórsetedi. Bul tarıfter 2 jylǵa, ıaǵnı 2015 jylǵa deıin engizilip otyr.

«Jalpy Semeı qalasynda sýmen jabdyqtaý tarıfteri 1 myń lıtr úshin 6 teńgege, káriz qyzmetiniń tarıfteri 1 myń lıtr úshin 3,6 teńgege ósti»,-dedi M. Ospanov.