Mamyr aıynda Qazaqstandaǵy jumyssyzdyq deńgeıi 5,1 paıyzdy qurady
ASTANA. QazAqparat - Mamyr aıynda elimizdegi jumyssyzdar sany 466,4 myń adamdy qurap, jumyssyzdyq deńgeıi - 5,1 paıyz deńgeıinde boldy.
QR Statıstıka agenttiginiń málimetine qaraǵanda, resmı túrde aǵymdaǵy jyldyń mamyr aıynda QR Eńbek jáne halyqty áleýmettik qorǵaý mınıstrligine qarasty jumyspen qamtý organdarynda 60,4 myń adam tirkelgen («Jumyspen qamtýdyń jol kartasy-2020» baǵdarlamasyna qatysýshylar quramyna qosylǵan tulǵalardyń esebinsiz). Bul rette tirkelgen jumyssyzdardyń úlesi ekonomıkalyq belsendi halyqtyń 0,7 paıyzyn qurap, byltyrǵy jylǵy deńgeımen birdeı kórsetkishti kórsetti.
Jalpy, baǵalaý boıynsha, búrkemeli jumyssyzdyq deńgeıi 2014 jyldyń 1 mamyrynda ekonomıkalyq belsendi halyqtyń 0,4 paıyzyn quraǵan. Qazaqstan ekonomıkasynda aǵymdaǵy jyldyń mamyrynda, baǵalaý boıynsha, 8,8 mln adam jumyspen qamtylǵan. Ótken jyldyń dál osy kezeńimen salystyrǵanda olardyń sany 169,1 myń adamǵa, nemese 2 paıyzǵa ulǵaıdy. Sonymen qatar, jaldamaly jumysshylardyń sany 6,1 mln adamdy qurady (jumyspen qamtylǵandar jalpy sanynyń 69,3%-y).
2014 jyldyń І toqsanyndaǵy aldyn ala málimetter boıynsha, ózin-ózi jumyspen qamtyǵandar jalpy sanynyń ónimdi jumysqa aralasqandar úlesi 66,6 paıyzdy qurady, turaqsyz jumysqa aralasqandar 33,4 paıyzdy qurap otyr.
