Mamyr aıynda karantın talaptaryn buzǵandar sany artty - Tımýr Sultanǵazıev

NUR-SULTAN. QazAqparat – Elimizdiń birneshe óńirinde úıdegi karantınin talaptaryn buzǵan adamdar sany aıtarlyqtaı artqan.

Bul týraly Ortalyq kommýnıkatsııalar qyzmetinde eldegi koronavırýstyq ınfektsııaǵa qatysty aǵymdaǵy jaǵdaı jáne Qazaqstandaǵy vaktsınalardyń sapasy men satyp alý máselesine qatysty ótken brıfıngte aıtyldy, dep habarlaıdy QazAqparat tilshisi.

«Úıdegi karantın talaptaryn buzý áreketteri elimizdiń birneshe óńirinde kóbeıgen. Aldyn ala jasalǵan monıtorınginiń qorytyndysy boıynsha, 30 sáýir kúni úı karantınine jatatyn adamdardyń 4% karantın rejımin buzǵan. Mamyr aıynda bul kórsetkish 29%-ǵa jetken. Ary qaraı quqyq qorǵaý oryndary tıisti sharalar qoldanady», - deıdi QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev.

Onyń aıtýynsha, koronavırýstyń taralý qaýpin azaıtý maqsatynda ary qaraı da áleýmettik qashyqtyq saqtaý sharalaryn qoldana berý kerek.

«Jedel respıratorly vırýsty ınfektsııa belgileri paıda bolǵan jaǵdaıda aldymen jedel járdem shaqyryp, karantın talaptaryn saqtaý kerek», - deıdi ol.