Mamyr aıynda ınflıatsııa 0,5 paıyzdy qurady
ASTANA. 1 maýsym. QazAqparat - Aǵymdaǵy jylǵy mamyrda ınflıatsııa 0,5 paıyzdy qurady, dep habarlady QR Statıstıka agenttiginiń baspasóz qyzmetinen.
Vedomstvonyń atap ótýinshe, baǵa azyq-túlik jáne azyq-túlik emes taýarlarǵa ótken aıda 0,6 paıyzǵa, aqyly qyzmet kórsetýlerge 0,3 paıyzǵa ósti. Ótken aıda baǵanyń ósýi nan jáne jarma ónimderine 0,9, al jarmalarǵa - 5,3, unǵa - 1,3, makaron ónimderine - 1, toqash jáne unnan daıyndalatyn kondıter ónimderine - 0,4, nanǵa 0,3 paıyz kóleminde belgilendi. Baǵa ósimi et jáne qus etine 1,7, kartopqa - 1, kondıterlik ónimderge - 0,6, irimshik jáne súzbege - 0,5, maı jáne toń maıǵa, qantqa 0,4 paıyzdy qurady. Jańa jınalǵan jemister men kókónister 0,3, shıki sút - 2, jumyrtqa 2,6 paıyzǵa arzandady.
Baǵa deńgeıi farmatsevtıka ónimderine, jýǵysh jáne tazalaǵysh quraldarǵa 0,1, kıim jáne aıaq kıimge - 0,2, tsementke - 1,5, suıytylǵan gazǵa - 1,8 paıyzǵa artty. Benzın 5,1, dızel otyny 5,5 paıyzǵa qymbattady.
Meıramhanalar men qonaq úılerdiń qyzmetteri 0,3, densaýlyq saqtaý - 0,4, shashtaraz qyzmeti - 0,8, mektepke deıingi bilim berý - 1,9, alys qashyqtyqqa qatynaıtyn jolaýshylardyń temir jol kóligi 3,8 paıyzǵa qymbattady.
Turǵyn úı kommýnaldyq qyzmet kórsetýler salasynda tarıfter turǵyn úıdi ustaýǵa 0,3, qoqys jınaýǵa - 0,4, úlestirý jeliler boıynsha tasymaldanatyn gazǵa 0,7 paıyzǵa ósti.
