Mamyr aıynda elimizdegi jumyssyzdar sany 533,6 myń adamdy qurady
ASTANA. Maýsymnyń 12-si. QazAqparat /Qanat Mámetqazyuly/ - 2010 jyldyń mamyr aıynda elimizdiń ekonomıkasynda 8,2 mln. adam jumyspen qamtyldy. ıAǵnı, ótken jylǵy sáıkes kezeńmen salystyrǵanda olardyń sany 347,2 myń adamǵa nemese 4,4 paıyzǵa kóbeıdi. Jaldamaly qyzmetkerlerdiń sany atalǵan kezeńde 5,5 mln. adamdy (jumyspen qamtylǵandardyń jalpy sanynan 66,5 paıyzdy) qurady.
Statıstıka agenttiginiń málimetterine qaraǵanda, aǵymdaǵy jylǵy mamyrda jumyssyzdar sany 533,6 myń adamdy, jumyssyzdyq deńgeıi 6,1 paıyzdy qurady. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2010 jylǵy mamyr aıynyń sońyna 85,7 myń adam resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 1,0 paıyzyn qurady. Bul kórsetkish 2009 jyldyń mamyrynda -1,2 paıyz bolatyn.
Jalpy, 2010 jylǵy mamyrdaǵy baǵalaý boıynsha jasyryn jumyssyzdyq deńgeıi ekonomıkalyq turǵydan belsendi halyqtyń 0,4 paıyzyn qurady.
