Mamyr aıynda elimizde aýa raıy jyly bolady - Qazgıdromet
ANA. 28 cáýir. QazAqparat/Aınur Kenebaeva/ - Respýblıkanyń barlyq aımaqtarynda mamyr aıynda aýa raıy jalpy alǵanda jyly bolmaq. Bul týraly búgin «Qazgıdromet» mamandary baspasóz máslıhatynda málim etti.
«Qazgıdromet» RMK GMO dırektory Baıan Sazanovanyń sózine sáıkes, 1 mamyr kúni Astanada kún ala bultty bolǵanymen, jaýyn-shashyn jaýmaıdy. Kúndiz aýanyń temperatýrasy 18-22 gradýsqa deıin kóteriledi. Almaty qalasynda kún 20-22 gardýsqa deıin jylynady dep kútilýde.
Qazaqstannyń batys aımaqtarynda aýanyń temperatýrasy 27 gradýs bolsa, elimizdiń ońtústiginde 30 gradýsqa deıin ystyq bolady dep boljanýda. Respýblıkanyń ortalyǵy men ońtústik shyǵysynda aýanyń temperetýrasy 25 gradýs shamasynda bolmaq.
«Qazgıdromettiń» mamyr aıyna bergen aýa raıy boljamyna sáıkes, respýblıka óńirlerinde ótkinshi jaýyn-shashyn bolǵanmen, aı jyly bolady.
Gıdrologııalyq boljamdar boıynsha Esil, Jaıyq, Torǵaı ózenderinde sý deńgeıiniń azdap kóterilýi baıqalýda. Gıdrologııalyq boljamdar basqarmasynyń bastyǵy Lıdııa Nıkıforovanyń sózine sáıkes, sý deńgeıiniń aýytqýlary qysqa merzimdi bolyp otyr.Jalpy alǵanda sý deńgeıi birtindep tómendep keledi. Mamyr, maýsym aılarynda sý deńgeıiniń azdap kóterilýi Almaty, Ońtústik Qazaqstan jáne Shyǵys Qazaqstan oblystaryndaǵy taý ózenderinde baıqalatyn bolady.
