Mamyr aıynda eldegi ónerkásip kásiporyndarynyń iskerlik belsendiligi ózgergen joq
ASTANA. Maýsymnyń 12-si. QazAqparat /Qanat Mámetqazyuly/ - Statıstıka agenttiginiń málimetterine qaraǵanda, mamyr aıynda zerttelgen ónerkásip kásiporyndarynyń iskerlik belsendiligi onyń aldyndaǵy aımen salystyrǵanda ózgergen joq. Ónerkásip kásiporyndarynyń basshylary 2010 jylǵy mamyrda ótken aımen salystyrǵanda daıyn ónimge suranystyń jáne onyń qorlaryn ózgermegenin atap ótken. Bul olardyń iskerlik belsendiliginiń salystyrmaly turaqtanýyna sebepshi boldy, dep habarlaıdy QazAqparat.
Sonymen, 2010 jylǵy mamyrda ónerkásip kásiporyndarynyń iskerlik belsendiligin sıpattaıtyn kásipkerliktiń senimdilik ındeksi ótken aımen salystyrǵanda ózgermeı (+8) paıyzdy qurady. Saýalnamaǵa qatysqan kásiporyndar basshylarynyń baǵalaýy boıynsha jaqyn aradaǵy keleshekte, 2010 jylǵy tamyzǵa deıin, iskerlik belsendiliktiń ósýi kútilýde. Sonymen, kásipkerliktiń senimdilik ındeksi 2010 jylǵy mamyrmen salystyrǵanda 2 paıyzdyq tarmaqqa ósip, (+10) paıyz quraıdy dep boljanǵan.
