Mamyr aıyna deıin elimizde mal soıý alańdary tolyq qamtamasyz etilýi tıis- Ó. Shókeev
ASTANA. Naýryzdyń 9-y. QazAqparat /Qanat Mámetqazyuly/ - Mamyr aıyna deıin elimizde mal soıý alańdary tolyq qamtamasyz etilýi tıis . Búgin QR Parlamenti Senatynda ótken «Óńir» depýtattyq tobynyń otyrysynda vıtse-premer Ómirzaq Shókeev osylaı málim etti,
dep habarlaıdy QazAqparat.
«Zańdarǵa engizilgen ózgeristerge sáıkes, maldardy soıý tıisti mal soıý alańdarynda nemese pýnktterinde júzege asýy tıis. Naýryzdyń 9-yndaǵy málimetter boıynsha respýblıkamyzda 952 mal soıý alańdary ázirlengen. Bul 2 myń 508 aýdandyq mańyzy bar qalalardy, aýyldyq okrýgterdi esepke alǵanda 37 paıyzdyq qamtamasyz etýdi bildiredi. Bul normany jedeldetý maqsatynda mal soıý alańdarynyń qurylysy men olardy qoldanysqa engizý kestesi bekitildi. Keste boıynsha aǵymdaǵy mamyrdyń 1-inde biz mal soıý alańdarymen tolyq qamtamasyz etýge tıispiz», dedi Ó. Shókeev.
