MÁMS júıesine túsýi tıis 907 mlrd teńgeniń 852 mlrd teńgesi medıtsınalyq kómekke baǵyttalady

NUR-SULTAN. QazAqparat – MÁMS júıesine túsýi kerek 907 mlrd teńgeniń 852 mlrd teńgesi medıtsınalyq kómekke baǵyttalady, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken brıfıngide QR Densaýlyq saqtaý mınıstrligi MÁMS qyzmetin úılestirý departamentiniń dırektory Gúljan Shaıhybekova osyndaı derek aıtty.

Brıfıng barysynda BAQ ókili jyl basynan beri MÁMS júıesine qansha qarjy túskenin, ol aqsha qalaı jumsalatynyn surady.

Áleýmettik medıtsınalyq saqtandyrý qorynyń basqarma tóraǵasynyń orynbasary Іlııas Muhamedjannyń sózine qaraǵanda, MÁMS júıesine byltyr 852 mlrd teńge túsken.

«Al bıyl 902-904 mlrd teńge túsedi degen esep bar», - dedi ol.

Al Gúljan Shaıhybekovanyń aıtýynsha, atalmysh júıege bıyl 907 mlrd teńge túsýi kerek.

«8 aıdyń qorytyndysy boıynsha 654 mlrd teńge túsken. Jalpy jyl boıynda 907 mlrd teńge túsedi dep kútilýde. Onyń ishinde 852 mlrd teńgesi medıtsınalyq kómekterge baǵyttalady», - dedi DSM ókili.