MÁMS júıesinde jeńildik alatyndar sanatyna kimder kiredi

NUR-SULTAN. QazAqparat – Áleýmettik medıtsınalyq saqtandyrý qory Mindetti áleýmettik medıtsınalyq saqtandyrý (MÁMS) júıesinde jeńildik alatyndar sanatyna kimder kiretinin túsindirdi, ,dep habarlaıdy QazAqparat tilshisi.

«Memleket jeńildik alatyn sanatqa engen 11 mln adam úshin jarnany tólep keledi», - delingen atalǵan qor baspasóz qyzmetiniń agenttik tilshisine bergen jaýabynda.

Usynylǵan aqparatqa sáıkes jeńildik alatyndarǵa osy sanattar engen:

balalar; jumyssyz retinde tirkelgender; jumys istemeıtin júkti áıelder; bala úsh jasqa tolǵansha oǵan qarap otyrǵan jumys istemeıtin adamdar; júktilik ári bosaný jáne jańa týǵan náresteni asyrap alýǵa qatysty demalysqa shyqqandar, sondaı-aq bala úsh jasqa tolǵansha ony baǵýmen otyrǵandar; múmkindigi shekteýli balaǵa qarap otyrǵan jumys istemeıtin adamdar; bala kezinen birinshi toptaǵy múmkindigi shekteýli jannyń kútimimen otyrǵan jumys istemeıtin adamdar; zeınetaqy tólemderin alýshylar, Ekinshi dúnıejúzilik soǵys ardagerleri; qylmystyq- atqarý júıesi mekemelerinde sot úkimimen jazasyn ótep jatqandar; tergeý oqshaýlaǵyshynda otyrǵadar; jumys istemeıtin qandastar; kópbalaly analar; múmkindigi shekteýli jandar; orta, tehnıkalyq ári kásiptik, joǵary bilim, sondaı-aq JOO-dan keıingi bilim alý uıymdarynda kúndizgi bólimde oqyp jatqandar; memlekettik ataýly áleýmettik kómek alatyn jumys istemeıtin adamdar.