MÁMS júıesi engizilgennen beri salany qarjylandyrý 80 paıyz artqan

NUR-SULTAN. QazAqparat – Mindetti áleýmettik medıtsınalyq saqtandyrý (MÁMS) júıesi engizilgennen beri salany qarjylandyrý 80 paıyz artqan. Bul týraly QR Densaýlyq saqtaý mınıstrligi MÁMS qyzmetin úılestirý departamentiniń dırektory Gúljan Shaıhybekova málim etti, dep habarlaıdy QazAqparat tilshisi.

«2020 jyldyń 1 qańtarynan bastap elimizde mindetti áleýmettik-medıtsınalyq saqtandyrý júıesi júzege asyrylýda. Medıtsınalyq kómektiń qarjylandyrý kólemi men qoljetimdiligin arttyrý úshin jańa ınnovatsııalyq tehnologııalardyń ıgerilýin elimizde MÁMS-tiń engizilýmen baılanystyrdy. Shyn máninde MÁMS júıesin engizý qarjylandyrýdy 80 paıyz arttyrýǵa múmkindik berdi. Qarjylandyrý medıtsınalyq kómektiń búkil baǵyttary boıynsha artty. Onyń ishinde profılaktıkalyq qarap, tekserýler eki ese artty», - dedi ol ortalyq kommýnıkatsııalar qyzmetinde ótken brıfıngide.

Aıtýynsha, buryn tek sanaýly sanattarǵa bıýdjet esebinen kórsetiletin medıtsınalyq qyzmetter MÁMS-júıesinedgi azamattarǵa da qoljetimdi bolǵanyn apat ótti.

«Konsýltatıvtik, dıagnostıkalyq jáne medıtsınalyq ońaltý qyzmetteri 10 ese, statsıonarlyq kómek 54 paıyz, joǵary tehnologııalyq medıtsınalyq qyzmetter 3 ese artty. MÁMS júıesin engizgennen beri ambýlatorııalyq qyzmetter men josparly operatsııalardy kútý ýaqyty edáýir qysqardy. Qymbat turatyn zertteýler, KT, MRT, PET medıtsınalyq kórsetilimderi elimizdiń barsha azamattaryna qoljetimdi boldy. 2020 jylǵa deıin bul tek áleýmettik turǵyda osal bolyp sanalatyn 8 sanatqa ǵana tıesili bolatyn», - dedi DSM ókili.