MÁMS: Júkti áıelder men balalarǵa tegin stomatologııalyq qyzmet kórsetiledi
«2021 jyly medıtsınalyq saqtandyrý qoryna Respýblıka boıynsha 4 mlrd 400 mln teńge qarjy jınaldy. Aıtý kerek, bul qorǵa túsken jarnalardyń aýqymdy kólemi Almaty qalasy esebinen túsedi. Byltyrǵy jyly Almaty qalasynan 70 mlrd 3 mln teńge qarjy qorǵa tústi. Qorǵa túsken qarjynyń barlyǵy da halyqqa kórsetiletin medıtsınalyq qyzmetterge jumsalady», - dedi spıker.
Sondaı-aq, Tileýhan Ábildaev MÁMS esebinen kórsetiletin tegin stomatologııalyq qyzmetter jaıly aıtyp berdi.
«Stomatologııalyq qyzmet boıynsha byltyr Almatyda 1,5 mlrd teńgege kómek kórsetildi. Jalpy stomatologııalyq qyzmet josparly kómek bolyp tabylady. Oǵan 18 jasqa deıingi balalar men júkti analarǵa kórsetiledi. Josparly kómektiń aıasynda tisti jansyzdandyrý, plomba saldyrý, terapevttiń qabyldaýynda bolý, tis juldyrý, eringe, tilge plastıkalyq operatsııalar jasaý sııaqty qyzmetter kiredi. Osy jaǵdaıda júkti áıelder men balalarǵa medıtsınalyq kómek túrleri tegin josparly túrde kórsetiledi», - dedi Áleýmettik medıtsınalyq saqtandyrý qory fılıalynyń dırektory Tileýhan Ábildaev.
