Qazaqstanda jumyssyz azamattardyń MÁMS-ke qatysý múmkindigi artady
ASTANA. KAZINFORM – 2026 jyldan bastap elimizde 1 mıllıonǵa jýyq azamat josparly medıtsınalyq kómekpen qamtylady. Bul týraly QR Densaýlyq saqtaý mınıstrligi ázirlegen jańa buıryq jobasynda aıtylǵan.
Atalǵan qujat 2025 jylǵy 14 shildede qabyldanǵan «Mindetti áleýmettik medıtsınalyq saqtandyrý jáne medıtsınalyq qyzmet kórsetý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» №206-VIII QRZ Zańyna sáıkes ázirlengen.
– Joba Memleket tarapynan áleýmettik ál-aýqaty daǵdarystyq nemese tótenshe deńgeıdegi jumyssyz retinde tirkelgen azamattar úshin mindetti áleýmettik medıtsınalyq saqtandyrý júıesinde medıtsınalyq kómek alý maqsatynda jergilikti bıýdjet esebinen jarna tóleý tártibin naqtylaý úshin jasaldy, - delingen qujat mátininde.
Sonymen qatar 2026 jyly jergilikti bıýdjet qarajaty esebinen qosymsha shamamen 1 mıllıon adamdy (5%) MÁMS júıesine qosý josparlanyp otyr. Bul halyqtyń densaýlyǵyn jaqsartýǵa jáne jalpy ulttyq ál-aýqatty arttyrýǵa sep bolmaq.
Joba «Ashyq NQA» portalynda jarııalanyp, 18 tamyzǵa deıin qoǵamdyq talqylaýǵa usynylǵan.
Buǵan deıin, Almatyda bıyl MÁMS júıesine 95 myń turǵyn qosylatynyn jazǵanbyz.