MÁMS: SQO turǵyndarynyń 17 paıyzy saqtandyrylmaǵan
PETROPAVL. QazAqparat – Bıyl Áleýmettik medıtsınalyq saqtandyrý qoryna Soltústik Qazaqstan oblysynan 5,5 mlrd teńge qarajat tústi, dep habarlaıdy QazAqparat tilshisi.
«Áleýmettik medıtsınalyq saqtandyrý qory» KEAQ SQO boıynsha fılıaly búgin Óńirlik kommýnıkatsııalar qyzmetinde ótken brıfıngide jyldy qorytyndylady.
Mamandardyń aıtýynsha, 1 jeltoqsanǵa deıingi jaǵdaı boıynsha medıtsınalyq saqtandyrý júıesine oblys halqynyń 82,9% nemese 452 109 adam tartylǵan. Al 93 myńǵa jýyq turǵyn (17,1%) áli saqtandyrylmaǵan. ıAǵnı olar medıtsınalyq kómekti tolyq kólemde ala almaıdy.
«Patsıent saqtandyrylmaǵan bolsa da, ol memlekettiń kepildik bergen tegin medıtsınalyq kómegin ala alady. Oǵan ýchaskelik dáriger, pedıatr, jalpy praktıka dárigeri mamandarynyń qabyldaýy, dárigerdi úıge shaqyrý, jedel járdem, emhana jáne statsıonarlar deńgeıindegi shuǵyl kómek, áleýmettik mańyzy bar, ınfektsııalyq aýrýlardy, onkologııalyq aýrýlardy emdeý kiredi. Bul kepildendirilgen paketke kiredi jáne saqtandyrylý mártebesine qaramastan barlyǵyna kórsetiledi», - deıdi «Áleýmettik medıtsınalyq saqtandyrý qory» KEAQ SQO bóliminiń basshysy Qarlyǵash Іlııasova.
Jalpy bıyl qorǵa jumys isteıtin azamattardan, jeke kásipkerlerden jáne derbes tóleýshilerden - 233 708 adamnan 5,5 mlr teńge jarna túsken. Olardyń 13 myńnan astamy – jaldamaly jumysshylar, olardan qorǵa tólem turaqty túspeıdi, sol sebepti «saqtandyrylǵan» mártebesinen aıyrylýlary múmkin.
«SQO-da 284 653 adamǵa jeńildik jasalǵan. Bul barlyq turǵyndardyń 52%. Olar - balalar, stýdentter, kópbalaly analar, júkti áıelder jáne jumyssyzdar. Onyń ishinde 46,4% balalar, 36,5% zeınetkerler quraıdy», - deıdi Qarlyǵash Іlııasova.
