MÁMS: SQO-da turǵyndardyń jartysyna jarnany memleket tóleıdi

PETROPAVL. QazAqparat – Soltústik Qazaqstan oblysynda 282,2 myń adam úshin Mindetti áleýmettik medıtsınalyq saqtandyrý boıynsha tıisti jarnany memleket tóleıdi, dep habarlaıdy QazAqparat tilshisi.

«Áleýmettik medıtsınalyq saqtandyrý qory» KEAQ SQO boıynsha fılıaly baspasóz qyzmetiniń málimetinshe, óńir turǵyndarynyń 51,4% 15 jeńildikti sanatqa kiredi. Olar úshin jarnany memleket tóleıdi.

Qańtar aıynda el boıynsha 34,2 mlrd teńge qorǵa tússe, SQO-da 166 myńnan astam adam 232 mln teńge aýdarym jasaǵan.

«Áleýmettik medıtsınalyq saqtandyrý qorynyń fılıaly bıyl 40 negizgi medıtsınalyq qyzmet usynýshymen kelisimge otyrdy. Onyń 25-i memlekettik medıtsınalyq uıymdar bolsa, qalǵany jekemenshik. Halyqpen keri baılanys ornatý maqsatynda qyrkúıek aıynan biryńǵaı baılanys ortalyǵy jumys istep jatyr. 1406 nómirine táýlik boıy habarlasyp, mazalaǵan suraqqa jaýap alýǵa bolady. Osy aralyqta respýblıka boıynsha 37 myń adam habarlasqan. Al SQO-dan tek 15 turǵyn ǵana habarlama qaldyrǵan», - deıdi «Áleýmettik medıtsınalyq saqtandyrý qory» KEAQ SQO boıynsha fılıal dırektory Larısa Gordeeva.