MÁMS: ShQO turǵyndaryna kúrdeli otalar sátti jasalýda
ÓSKEMEN. QazAqparat – Shyǵys Qazaqstan oblysynda mindetti áleýmettik medıtsınalyq saqtandyrý júıesi aıasynda kúrdeli otalar sátti jasalyp jatyr, dep habarlaıdy QazAqparat tilshisi.
«Áleýmettik medıtsınalyq saqtandyrý qory» KEAQ ShQO boıynsha fılıalynyń baspasóz qyzmetiniń málimetine súıensek, Shyǵys Qazaqstan oblystyq aýrýhanasy búgingi tańda aımaq turǵyndaryna joǵary tehnologııaly medıtsınalyq qyzmetterdi kórsetý jóninen kósh bastap tur. Bul ásirese kardıohırýrgııalyq kómekterge qatysty.
Joǵarǵy tehnologııaly kardıohırýrgııalyq kómek árbir muqtaj patsıentke kepildendirilgen tegin medıtsınalyq kómek jáne áleýmettik saqtandyrý qory arqyly qoljetimdi. Osy jyldyń basynan óńirdiń 7 turǵynyna ortalyq transkateterklapanyn ımplantatsııalaý otasy MÁMS arqyly júrgizilgen.
«Bul mamandandyrylǵan jáne joǵary tehnologııalyq medıtsınalyq kómek. Dál osyndaı ota elordadaǵy Kardıologııaldyq ortalyqta júzege asyrylyp keledi. Shalǵaıda jatqan óńirlerdegi aýrýhanalardyń dál osyndaı kómekti kórsete alýy úlken jetistik. Bizdiń medıtsınalyq mekemede barlyq jaǵdaı jasalǵan: zamanaýı qural-jabdyq, tıisti daıarlyqtan ótken dárigerler toby bar. Aıta keterlik bir másele – júrekke salynatyn materıaldyń qymbattylyǵy. Bir klapan 5-6 mln teńgege deıin turady», - dedi ShQO aýrýhanasy kardıohırýrgııa bólimshesiniń jetekshisi Edil Botabaev.
