MÁMS sheńberinde aýdarymdar men jarnalardy qabyldaý úshin shot ashyldy
ASTANA. QazAqparat - Mindetti áleýmettik medıtsınalyq saqtandyrý (MÁMS) sheńberinde aýdarymdar men jarnalardy qabyldaý úshin arnaıy shot ashyldy, dep habarlaıdy «Azamattarǵa arnalǵan úkimet» memlekettik korporatsııasy» kommertsııalyq emes aktsıonerlik qoǵamynyń baspasóz qyzmeti.
Ondaǵy derekterge qaraǵanda, osy jyldyń 1 shildesinen bastap Qazaqstanda mindetti áleýmettik medıtsınalyq saqtandyrý júıesi engiziledi. Barlyq jumys berýshiler, jeke kásipkerler, advokattar men jeke notarıýster ózderi úshin jáne óz qyzmetkerleri úshin aýdarymdar men jarnalardy Mindetti áleýmettik medıtsınalyq saqtandyrý qoryna aýdaratyn bolady. «Azamattarǵa arnalǵan úkimet» memlekettik korporatsııasy jeke sáıkestendirý nómirleri bazasynda aýdarymdar men jarnalardy esepteý jáne olardy Mindetti áleýmettik medıtsınalyq saqtandyrý qoryna aýdaratyn operatory bolyp belgilendi.
Jumys berýshilerge yńǵaıly bolý úshin, tóleýshilerge mindetti aýdarymdar men jarnalar boıynsha tólem tapsyrmalaryn qalyptastyrýǵa kómektesin «Mindetti áleýmettik aýdarymdar men zeınetaqy jarnalaryn esepteý» avtomattandyrylǵan arnaıy júıesi ázirlendi. Ony https://gov4c.kz/programmnye-produkty siltemesi boıynsha ótip, tegin ornatýǵa bolady.
