MÁMS: saqtandyrylmaǵan qazaqstandyqtarǵa qandaı kómek kórsetiledi

NUR-SULTAN. QazAqparat – Halyq arasynda medıtsınalyq saqtandyrý bolmasa, tipti shuǵyl qajet kezde de medıtsınalyq kómek alý múmkin emes degen qate pikir bar. Osyǵan baılanysty, «Nur-Sultan qalasy boıynsha áleýmettik medıtsınalyq saqtandyrý qory» kommertsııalyq emes aktsıonerlik qoǵamnyń fılıalyndaǵy mamandar MÁMS júıesinde saqtandyrylmaǵan patsıentter óandaı kómekke arqa súıeı alatynyn aıtty, dep habarlaıdy QazAqparat tilshisi.

Olarǵa tegin medıtsınalyq kepildendirilgen kómek kóleminde (TMKKK) qarastyrylǵan medıtsınalyq qyzmet túrleri usynylady.

TMKKK kimge tıesili?

Tegin medıtsınalyq kómektiń kepildik berilgen kóleminde kórsetilgen medıtsınalyq qyzet aqysy bıýdjet qarajatynan tólenedi jáne olardy:

- Qazaqstan Respýblıkasynyń azamattary;

- qandastar;

- bosqyndar;

- Qazaqstan Respýblıkasynyń aýmaǵynda turaqty turatyn (jáne turýǵa yqtııarhaty bar) sheteldikter;

- Qazaqstan Respýblıkasynyń aýmaǵynda turaqty turatyn (jáne turýǵa yqtııarhaty bar) azamattyǵy joq adamdar ala alady.

Qazaqstan Respýblıkasynda ýaqytsha bolatyn sheteldikter men azamattyǵy joq adamdar, pana izdegen adamdardyń aınalasyndaǵylarǵa qaýip tóndiretin aýrýlary bolǵan kezde TMKKK aıasynda medıtsınalyq kómek alýǵa quqyly.

TMKKK aıasynda qandaı medıtsınalyq qyzmet kórsetiledi?

Tegin medıtsınalyq kómektiń kepildik berilgen kólemine mynalar kiredi:

1. Jedel járdem qyzmetteri, onyń ishinde belgili bir jaǵdaılarda medıtsınalyq avıatsııa shaqyrtylady (ıaǵnı shuǵyl kómek qajet bolǵan jaǵdaıda patsıentke onyń saqtandyrylǵanyna nemese saqtandyrylmaǵanyna qaramastan kórsetilýi tıis);

2. Medıtsınalyq-sanıtarlyq alǵashqy kómek qyzmetteri (MSAK, ıaǵnı bul negizinen sizdiń emhanańyzdyń ýchaskelik qyzmet deńgeıinde kórsetiletin negizgi qyzmetter), onyń ishinde:

1) eń kóp taralǵan aýrýlardy dıagnostıkalaý, emdeý jáne qadaǵalaý;

2) halyqtyń nysanaly toptaryn (balalardy, eresekterdi) profılaktıkalyq tekserý;

4) ımmýndaý (vaktsınatsııa);

5) salaýatty ómir saltyn qalyptastyrý jáne nasıhattaý;

6) urpaq jańǵyrtý densaýlyǵyn qorǵaý jónindegi is-sharalar;

7) júkti jáne bosanǵannan keıingi kezeńde áıelderdi baqylaý;

8) ınfektsııalyq aýrý oshaqtaryndaǵy sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalar.

3. Ambýlatorııalyq jaǵdaıda mamandandyrylǵan medıtsınalyq kómek (bul emhana deńgeıinde, onyń ishinde esepte turǵandar úshin jáne shuǵyl jaǵdaılar týyndaǵan kezde kórsetiletin qyzmetter):

1) AITV-ınfektsııasynyń jáne týberkýlezdiń aldyn alý jáne dıagnostıkalaý;

2) jaraqattar, ýlanýlar nemese basqa da shuǵyl jaǵdaılar kezindegi qyzmetter, onyń ishinde eldegi epıdemıologııalyq jaǵdaıdyń nasharlaýyn týdyratyn aýrýlar kezindegi jáne olarǵa kúdik týyndaǵan jaǵdaılarda saqtandyrylǵan mártebesine qaramastan barlyq adamdar úshin mobıldi brıgadanyń qyzmetteri;

3) áleýmettik mańyzdy aýrýlar kezindegi dıagnostıka jáne emdeý;

4) dınamıkalyq baqylaýǵa jatatyn sozylmaly aýrýlar kezindegi dıagnostıka jáne emdeý.

4. Statsıonardy almastyratyn jaǵdaılarda mamandandyrylǵan medıtsınalyq kómek (aıtpaqshy, bul koronavırýspen aýyrǵan naýqastardy úıde emdeýdi de qamtıdy):

1) áleýmettik máni bar aýrýlardy emdeý kezinde;

2) eldegi epıdemıologııalyq ahýaldyń nasharlaýyn týdyratyn aýrýlar kezinde jáne olarǵa kúdik týyndaǵan jaǵdaılarda saqtandyrylǵan mártebesine qaramastan, barlyǵy úshin úıdegi st

3) dınamıkalyq baqylaýǵa jatatyn sozylmaly aýrýlar kezinde emdeý.

5. Statsıonarlyq jaǵdaıdaǵy mamandandyrylǵan medıtsınalyq kómek (patsıentterdiń belgili bir sanattary úshin aýrýhanada emdeý):

1) aınalasyndaǵylarǵa qaýip tóndiretin ınfektsııalyq nemese parazıttik aýrýmen aýyratyn naýqaspen qatynasta bolǵan adamdardy, sondaı-aq bakterııa tasymaldaýshylardy, vırýs tasymaldaýshylardy jáne qaýip tóndiretin ınfektsııalyq nemese parazıttik aýrýǵa kúdikti adamdardy oqshaýlaý kezinde;

2) ınfektsııalyq, parazıttik aýrýlardy jáne aınalasyndaǵylarǵa qaýip tóndiretin aýrýlardy emdeý kezinde;

3) saqtandyrylý mártebesine qaramastan adamdarǵa shuǵyl kómek kórsetý, onyń ishinde táýlik boıy statsıonardyń qabyldaý bólimshesinde emdeý-dıagnostıkalyq is-sharalar ótkizý;

4) josparly tártipte.

6. Medıtsınalyq ońaltý:

1) negizgi aýrýdy emdeýde;

2) týberkýlezben aýyratyn naýqastar úshin.

7. Pallıatıvti medıtsınalyq kómek;

8. Mamandandyrylǵan medıtsınalyq kómek kórsetý kezinde medıtsınalyq kórsetilimder bolǵan kezde qan preparattarymen jáne onyń komponentterimen qamtamasyz etý;

9. Ambýlatorııalyq, statsıonardy almastyratyn jáne statsıonarlyq jaǵdaılarda mamandandyrylǵan medıtsınalyq kómek kórsetý kezindegi patologııalyq-anatomııalyq dıagnostıka;

10. Qazaqstandyqtardy shetelge emdelýge jiberý jáne (nemese) otandyq medıtsınalyq uıymdarda emdelý úshin sheteldik mamandardy tartý;

11. Dárilik zattarmen, medıtsınalyq buıymdarmen, mamandandyrylǵan emdik ónimdermen, ımmýndyq-bıologııalyq dárilik preparattarmen qamtamasyz etý (Áleýmettik mańyzy bar, sozylmaly aýrýlary bar dınamıkalyq esepte turǵan adamdar úshin qarastyrylǵan. Búgingi kúni ambýlatorııalyq deńgeıde TMKKK sheńberinde dárilik zattar men medıtsınalyq buıymdardyń 347 ataýy boıynsha 49 nozologııa qamtamasyz etiledi. Tizbe QR Densaýlyq saqtaý mınıstriniń № 75 buıryǵymen bekitilgen).

Atalǵan barlyq jaǵdaılarda saqtandyrylmaǵan azamattar memleket kepildik bergen tegin medıtsınalyq kómek kólemi sheńberinde olarǵa kórsetiletin qajetti kómekke sene alady.

«Eger sizge shuǵyl kómek qajet bolyp, MÁMS júıesinde saqtandyrý mártebeńiz joq ekenin alǵa tartyp, medıtsınalyq kómek kórsetýden bas tartsa, dárigerge patsıenttiń óz quqyqtary týraly málimdep, olardyń saqtalýyn talap etý qajet. Qordyń elorda fılıalyna osy mazmundas ótinish-shaǵymdar da jıi túsedi. Sondyqtan azamattar óz quqyqtaryn bilse eken deımiz», – deıdi Áleýmettik medıtsınalyq saqtandyrý qory elorda fılıalynyń dırektory Nurlybek Qabdyqaparov.

«MÁMS úshin jarna tólemegen jaǵdaıda, patsıentter barmaı-suramaı turyp, men kómek ala almaımyn dep oılap, tipti emhanaǵa júginbeıtin de faktiler bar. Esterińizge sala keteıik, joǵaryda atalǵan jaǵdaılar boıynsha medıtsınalyq mekeme Sizge tegin kómek kórsetýden bas tartpaýy tıis.

Al, qajet bolǵan jaǵdaıda jan-jaqty tekserýden ótip, medıtsınalyq qyzmetterdi (beıindi mamandardyń konsýltatsııalary, dıagnostıkalyq zertteýler, josparly operatsııalar, sonyń ishinde qymbat turatyn operatsııalar, t.b.) keńinen paıdalaný úshin MÁMS júıesiniń qatysýshysy bolǵan durys», - dep jazady «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıalynyń baspasóz qyzmeti.

Qosymsha suraqtar týyndaǵan jaǵdaıda emhananyń anyqtama qyzmetine nemese Patsıentterdi qoldaý qyzmetine habarlasýǵa bolady. Eger ol jerde sheshimin tappasa, Áleýmettik medıtsınalyq saqtandyrý qoryna fms.kz resmı saıty, 1406 baılanys ortalyǵy, Qoldau 24/7 mobıldi qosymshasy jáne Telegram-daǵy SaqtandyryBot sekildi ózińizge yńǵaıly baılanys arnasy arqyly habarlasyńyz.