MÁMS medıtsınalyq qyzmetterdiń sapasyn arttyrýǵa septigin tıgizedi - T.Dúısenova
Vedomstvoda málimdegendeı, QR Densaýlyq saqtaý jáne áleýmettik damý mınıstrliginiń (DSÁDM) «Aımaq, aýdan, aýyl» qaǵıdasy boıynsha halyq arasynda ótkiziletin aqparattyq-túsindirme jumystarynyń ekinshi kezeńi bastaldy.
T. Dúısenova MÁMS-ti engizý - damyǵan elderdiń tájirıbesi boıynsha QR densaýlyq saqtaý salasynyń qarjylyq turaqtylyǵy júıesin, medıtsınalyq kómektiń qoljetimdiligin arttyryp, ambýlatorlyq-dárilik qamsyzdandyrýdy ulǵaıtýǵa baǵyttalatynyn, sonymen birge, memleket pen azamattardyń densaýlyq saqtaý salasyndaǵy teń dárejedegi jaýapkershiligin qamtamasyz etetinin atap aıtty. Sondaı-aq, MÁMS jańa tehnologııalardy engizýge yqpal etip, medıtsınalyq qyzmetterdi usynýshylar arasyndaǵy básekelestikti arttyrý esebinen medıtsınalyq qyzmettiń sapasyn kóterýge, medıtsınalyq qyzmetkerlerdiń kásibı deńgeıi men jalaqysyn arttyrýǵa kómektesedi.
Vıtse-mınıstr Eljan Birtanov ákimderdiń orynbasarlaryna atqarylatyn qyzmetterdi QR DSÁDM, jergilikti atqarýshy organdar jáne Áleýmettik medıtsınalyq saqtandyrý qory (ÁMSQ) arasynda bólý qaǵıdasy týraly aıtyp berdi.
«Jergilikti atqarýshy organdarǵa barlyq azamattar úshin medıtsınalyq qyzmetterdiń qoljetimdiligin qamtamasyz etý, ınfraqurylymdy damytý men aımaqtaǵy medıtsınalyq qyzmet kórsetýshilerdiń tıimdiligin arttyrý, óńirdegi medıtsınalyq kómekti densaýlyq saqtaý uıymdarynyń jelisi arqyly kórsetý, medıtsınalyq qyzmettiń qajetti kólemin josparlaýǵa qatysý, densaýlyq saqtaý salasyndaǵy kadrlyq resýrstardy damytýdy qamtamasyz etý qyzmetteri júkteledi. Ákimdikter Medıtsınalyq jáne farmatsevtıkalyq qyzmetti baqylaý komıtetiniń aımaqtyq departamentterimen birlese otyryp, medıtsınalyq jáne farmatsevtıkalyq qyzmetti lıtsenzııalaýǵa qatysatyn bolady», - dep habarlady E. Birtanov.
Óz kezeginde, Tamara Dúısenova jergilikti atqarýshy organdardyń negizgi mindeti aýdandyq medıtsına uıymdaryn MÁMS júıesine daıyndyǵyn qamtamasyz etý, aýrýhanalar men emhanalar ÁMSQ medıtsınalyq qyzmet berýshilerdi tańdaǵanda mınımaldy standarttarǵa saı bolý kerektigin atap ótti.
Jıynnyń sońynda T. Dúısenova jergilikti atqarýshy organdaryna JQJK 2020 baǵdarlamasy sheńberinde jumysqa ornalasqan adamdardyń zeınetaqy júıesine, keleshekte - MÁMS júıesine qatysýyn baqylaýǵa alý qajettigin atap ótti.
Esterińizge sala keteıik, Qazaqstanda úzdik halyqaralyq tájirıbeni esepke ala otyryp memleket, jumys berýshi jáne árbir adamnyń yntymaqty jaýapkershiliginiń negizinde ázirlengen medıtsınalyq saqtandyrý júıesin engizý jumystary bastalady. Sonymen qatar, memleket ekonomıkalyq belsendiligi tómen halyq úshin jarna tóleıtin bolady. Jumys berýshiler - jaldamaly jumysshylar úshin, qyzmetkerler men salyq organdarynda tirkelgen ózin-ózi qamtyǵan azamattar ózderi úshin tóleıtin bolady.