MÁMS qorynyń komıssııalyq syıaqysy ulǵaıtyldy
ASTANA. KAZINFORM – QR Densaýlyq saqtaý mınıstrligi «Áleýmettik medıtsınalyq saqtandyrý qory» KEAQ-tyń 2026 jylǵa arnalǵan komıssııalyq syıaqy mólsherlemesin arttyrdy.
Qujatqa sáıkes, Qordyń komıssııalyq syıaqysy esepti aıda shotqa túsken aktıvter kóleminen 1,09%-dan 1,21%-ǵa deıin ulǵaıtyldy.
Buıryq qol qoıylǵan kúninen bastap kúshine enedi jáne 2026 jylǵy 1 qańtardan bastap týyndaǵan quqyqtyq qatynastarǵa qoldanylady.
Osyǵan deıin Qor basqarma tóraıymy Gúlmıra Sabdenbek Qalqan platformasyn damytý qajettigin túsindirgen bolatyn. Onyń aıtýynsha, bul jobaǵa qosymsha qarjy qajet emes.
– Qalqan bólek jańa júıe retinde qurylmaıdy. Bul Qordyń qoldanystaǵy tsıfrlyq ınfraqurylymyn jetildirip, ony Qarjy mınıstrliginde qoldanylyp júrgen zamanaýı tehnologııalyq platformaǵa kóshirýdi kózdeıdi, - dep jazdy ol áleýmettik jelidegi paraqshasynda.
Buǵan deıin Premer-mınıstr Oljas Bektenov Qalqan arqyly medıtsına sapasy men qarjylandyrý tolyq baqylaýǵa alynatynyn aıtqan edi.
