MÁMS: Qyzylordada 427 mln teńge medıtsınalyq uıymdarǵa negizsiz aýdarylǵan

QYZYLORDA. KAZINFORM – Qyzylorda oblystyq prokýratýrasy bıyl 9 aıda atqarǵan jumysyn qorytyndylady.

Bas prokýratýranyń tapsyrmasyna sáıkes jergilikti qadaǵalaýshy organ mindetti áleýmettik medıtsınalyq saqtandyrý júıesin teksergen. 

- Tekserý barysynda memlekettik jáne jeke uıymdarǵa medıtsınalyq qyzmet úshin 427 mln teńge qarjynyń negizsiz aýdarylǵany anyqtaldy. Bul qarjyny qaıtarý úshin qadaǵalaý aktileri engizildi, - delingen vedomstvo habarlamasynda. 

Esepti merzimde 17 myń jumysshynyń quqyqtary qorǵaldy. Qadaǵalaý aktisimen 629,7 mln teńge jalaqy óndirildi. Memlekettik «Jastar tájirıbesi» baǵdarlamasy aıasynda jumyspen qamtylǵan 2360 jumysshyǵa 264 mln teńge jalaqy qaryzy tólendi.

- Budan bólek qadaǵalaý aktisiniń nátıjesimen 58 orta bilim berý uıymynyń 1479 qyzmetkeri arnaıy kıimdermen, jeke qorǵanys quraldarymen qamtyldy. Osylaısha olardyń konstıtýtsııalyq quqyqtary qalpyna keltirildi, - delingen habarlamada. 

Oblys prokýrorlardyń aralaýymen jer salasyndaǵy zańsyzdyqtar boıynsha 33 adam tártiptik jaýaptylyqqa tartyldy. Kadastrlyq quny 1,5 mlrd teńgeni quraıtyn 73 jer ýchaskesi memleketke qaıtaryldy. 350-ge jýyq jer ýchaskesi kásipkerlik maqsatqa alynǵanymen ıgerilmegen. Ýákiletti organdar bul boıynsha tıisti shara qabyldaıdy.

Aıta keteıik, esepti kezeńde Qyzylorda oblysynda 200 myńnan astam adamnyń quqyǵy qorǵaldy.