MÁMS boıynsha shaǵym jasaǵandardyń máselesi sheshildi - Aıbatyr Jumaǵulov

NUR-SULTAN. QazAqparat - Jumys berýshiler MÁMS júıesinen óz betimen bas tartýǵa quqylary joq. Bul týraly Ortalyq kommýnıkatsııalar qyzmetinde ótken brıfıngte aıtyldy, dep habarlaıdy QazAqparat tilshisi.

«Jumys berýshi mindetti áleýmettik medıtsınalyq saqtandyrý boıynsha jarna tóleýge mindetti. Bul zańmen bekitilgen. Bul júıeden óz erkimen bas tartý múmkindigi joq, sol sebepti jarna tóleýden bas tartqan jumys berýshige qatysty Kiris komıtetiniń qyzmetkerleri belgilengen tártip boıynsha jumys atqarady. Bul másele boıynsha 1406 senim telefonyna habarlasqandar boldy. Shaǵym boıynsha qajetti sharalar atqaryldy, máselesi sheshildi», - deıdi «Áleýmettik medıtsınalyq saqtandyrý qorynyń» Basqarma tóraǵasy Aıbatyr Jumaǵulov.

Eske sala ketsek, MÁMS boıynsha ótken jyldyń qyrkúıek aıynda 1406 nómiri boıynsha Biryńǵaı baılanys ortalyǵy iske qosyldy. Baılanys ortalyǵy 2020 jyldyń 1 qańtarynan bastap 24/7/365 tártibi boıynsha jumys isteıdi.