MÁMS: BQO-da 683,1 mln teńgege 163 myńnan astam buzýshylyq anyqtaldy
ORAL. KAZINFORM — Batys Qazaqstan oblysynda bıylǵy alty aıda statsıonarlyq jáne statsıonardy almastyratyn kómek boıynsha emdelgenderge 78 065 qyzmet kórsetilip, 17,9 mlrd teńge tólemge usynyldy.
«Áleýmettik medıtsınalyq saqtandyrý qory» KEAQ BQO boıynsha fılıalynyń dırektory Sandýǵash Bolysbekovanyń aıtýynsha, ambýlatorlyq emhanalyq jaǵdaıda bul derek sáıkesinshe 3 664 227 jáne 9,4 mlrd teńge boldy.
Onyń sózine qaraǵanda, birinshi jartyjyldyqta jedel derekter boıynsha 683,1 mln teńgege 163 452 buzýshylyq anyqtaldy. Sonyń ishinde medıtsınalyq kómek kóleminiń negizsiz ulǵaıýy teń jartysyna jýyq (47,7 paıyz) bolsa, medıtsınalyq kómekti negizsiz kórsetý — 22,74, sondaı-aq emdeý-dıagnostıkalyq sharalardyń medıtsınalyq qyzmetterdiń standarttarynan, densaýlyq saqtaý salasyndaǵy erejelerden negizsiz aýytqýy — 9,22 paıyz.
— Bıyl oblystyq fılıal 56 medıtsınalyq uıymmen kelisim-shart jasassa, sonyń 38-i nemese 68 paıyzy — memlekettik, 18-i (32 paıyzy) jeke menshikte. Jyl basynan beri 51 medıtsınalyq uıymǵa 9,7 mlrd teńge kóleminde aldyn ala avans berildi. Alty aıda tegin medıtsınalyq kómektiń kepildik berilgen kólemi aıasynda jáne MÁMS júıesinde densaýlyq saqtaý nysandaryna 39,6 mlrd teńge tólem jasaldy. MÁMS júıesinde qarajat tolyq tólenip, tegin medıtsınalyq kómektiń kepildik berilgen kólemi boıynsha josparlanǵan somanyń 62 paıyzy tólendi, — dedi S. Bolysbekova.
Onyń naqtylaýynsha, 2017 jyldyń 1 shildesinen beri MÁMS júıesinde BQO turǵyndarynan Ulttyq banktegi qordyń esepshotyna 110 mlrd teńge jınalǵan. Al bıylǵy alty aıda 14 mlrd teńge túsken. ıAǵnı bul qarjy Ulttyq bankte jınaqtalyp, ár fılıal kórsetilgen medıtsınalyq qyzmetke sáıkes tólep otyrady.
Eske sala keteıik, budan buryn BQO-da 108 myńnan astam adamnyń medıtsınalyq saqtandyrýdan tys qalyp otyrǵanyn jazǵan edik.