MÁMS: Atyraýda 655 myń adam saqtandyryldy
ATYRAÝ. QazAqparat – Atyraý oblysynda 655 myń adam saqtandyryldy, dep habarlaıdy QazAqparat.
Bul týraly «Mindetti medıtsınalyq saqtandyrý qory» AQ Atyraý oblystyq fılıalynyń dırektory Sábıt Quralbek málim etti.
«Sońǵy derekke súıensek, Atyraý oblysy turǵyndarynyń 94 paıyzy saqtandyrylyp otyr. Bul – 655 myńnan astam adam. Al, 39 myńǵa jýyq turǵyn áli saqtandyrylǵan joq. Saqtandyrylǵan turǵyndardyń ishinde 380 myń adam jeńildikke ıe bolǵandar qataryna jatady. Olar – zeınetkerler, balalar men jeńildik sanatyn ıelengender» dep habarlady «Mindetti medıtsınalyq saqtandyrý qory» AQ Atyraý oblystyq fılıalynyń dırektory Sábıt Quralbek.
Onyń aıtýynsha, 2017 jyldyń 1 shildesinen bıylǵy naýryzǵa deıin MÁMS qoryna Atyraý oblysynan 17,7 mıllıard teńge kóleminde jarna aýdaryldy.
