MÁMS: Atyraý oblysynda 563 myń turǵyn saqtandyrylǵan
«Áleýmettik medıtsınalyq saqtandyrý qory» KeAQ Atyraý oblysy boıynsha fılıalynyń dırektory Sábıt Quralbektiń málimetinshe, Atyraý oblysynyń turǵyndarynyń 563 myńy (85,8%) medıtsınalyq saqtandyrý júıesine engizilgen.
«Alaıda, oblysta saqtandyrylmaǵan turǵyndardyń sany 93 571 adamdy qurap otyr. Bul – óńir turǵyndarynyń 14,2 protsenti» -deıdi Sábıt Quralbek.
Onyń aıtýynsha, Atyraý oblysynda medıtsınalyq saqtandyrý jarnasynyń jalpy somasy 30 mlrd 372 mln teńgeni qurap otyr. Onyń ishinde 25 mlrd 180 mln teńge (shamamen 96,4%) jumys berýshilerdiń aýdarymy arqyly túsken. Al, 5 mlrd 191 mln teńge (3,6% jýyǵy) – jeke kásipkerler men azamattyq-quqyqtyq kelisimshart negizinde eńbek etetin tulǵalardyń aýdarymy.
Eske sala ketelik, budan buryn Atyraý oblysynda 82 myń adam medsaqtandyrýdan ótpegenin habarlaǵan edik.
