MÁMS: ár azamatqa jumsalatyn shyǵyn 56 myńnan 116 myń teńgege deıin ulǵaıdy
Áleýmettik medıtsınalyq saqtandyrý júıesiniń qazirgi jaı-kúıi men MÁMS qarjysy esebinen jetken nátıjeler jóninde Medıtsınalyq saqtandyrý qorynyń basshysy Aıdyn Ashýev aıtyp berdi.
«Qarjylandyrýdyń 2 eseden artyq óskeni arqasynda 1 turǵynǵa shaqqandaǵy shyǵyn 56 myń teńgeden 116 myń teńgege deıin ulǵaıdy, tıisinshe halyqtyń qalta shyǵyny 6,2%-ǵa kemýi baıqalady.
Buryn jetkilikti qarjylandyrylmaǵan medıtsınalyq kómek túrlerine qosymsha qarjy bólindi. Joǵarytehnologııalyq medıtsınalyq qyzmetti qarjylandyrý kólemi 3 ese, medońaltý men kosýltatıvtik-dıagnostıkalyq kómek 11 ese ulǵaıdy», – dep atap ótti MÁMS qorynyń basqarma basshysy.
Bul rette medıtsınalyq qyzmet kórsetetin ónim berýshilerdiń sany edáýir artty, onyń ishinde jekemenshik nysanyndaǵy medıtsınalyq uıymdardyń úlesi 27%-dan 51%-ǵa deıin ósti.
Sonymen qatar, Medsaqtandyrý qorynyń basshysy ónim berýshilermen biryńǵaı shart jasasý jáne strategııalyq satyp alýshy rólin kúsheıtý úshin TMKKK men MÁMS qarjylyq aǵyndaryn biriktirý qajettiligi jóninde másele kóterdi.
