MÁMS: Almatylyqtar 3,6 mlrd teńgeniń konsýltatıvtik-dıagnostıkalyq qyzmetin paıdalandy
ALMATY. QazAqparat – Bıylǵy jyldyń birinshi jartysynda almatylyq medıtsına uıymdary jalpy quny 3,6 mlrd teńgeden asatyn konsýltatıvtik-dıagnostıkalyq qyzmet túrlerin kórsetti. Qyzmet aqysy mindetti áleýmettik medıtsınalyq saqtandyrý paketi sheńberinde tólendi. Bul týraly «Áleýmettik medıtsınalyq saqtandyrý qory» KEAQ Almaty qalalyq fılıaly dırektory Tileýhan Ábildaev málim etti, dep habarlaıdy QazAqparat tilshisi.
Onyń aıtýynsha, 2020 jyldyń alty aıynda Mindetti áleýmettik medıtsınalyq saqtandyrý paketi sheńberinde kórsetilgen qyzmetter úshin emdeý mekemelerine 26,4 mlrd teńgeden astam qarjy tólengen. Qor halyqqa kórsetilgen qyzmet aqysy medıtsınalyq kómektiń sapasy men kólemin teksergennen keıin aýdarady.
«Mindetti áleýmettik medıtsınalyq saqtandyrý júıesi iske qosylǵaly beri azamattar buryn-sońdy óz qaltasynan tólep kelgen qyzmet túrlerin aqysyz paıdalanýǵa múmkindik aldy. Máselen, alty aıda saqtandyrý paketine engen dıagnostıkalyq qyzmetter ishinde KT, MRT syndy qyzmetterge suranystyń artqany baıqalady», - dedi fılıal basshysy.
Sonymen qatar, ol jyl basynan beri MÁMS paketi sheńberinde kórsetile bastaǵan medıtsınalyq ońaltý qyzmetine degen suranystyń artqanyn atap ótti.
