MÁMS: Almatyda 400 myńnan astam adam saqtandyrylmaǵan
ALMATY. QazAqparat – Almaty qalasy ákiminiń orynbasary Erjan Babaqumarov halyqty mindetti medıtsınalyq saqtandyrý júıesimen qamtý máseleleri boıynsha Óńirlik shtab otyrysyn ótkizdi, dep habarlaıdy QazAqparat tilshisi.
Onlaın-otyrysqa saqtandyrý mártebesin, ásirese kásipkerlik sýbektileri qyzmetkerlerin ózektendirý máseleleri qaraldy.
Medıtsınalyq saqtandyrý qorynyń Almaty qalasy boıynsha fılıalynyń dırektory Tileýhan Ábildaevtyń aıtýynsha, júrgizilgen jumystar aıasynda saqtandyrylmaǵandardyń sany 402 myń adamdy qurady, olardyń 35,5% biryńǵaı jınaqtaýshy tólemdi (BJT) tóleýshiler; 25% - ótken jyldan bastap eshqandaı tólem jasamaǵan tulǵalar.
Saqtandyrylmaǵandardyń arasynda 2020 jyldyń sońyna deıin jarnalar men aýdarymdardy tóleýden bosatylǵan shaǵyn jáne orta bıznes sýbektileriniń qyzmetkerleri bolýy múmkin. Osy zańdy tulǵalar óz qyzmetkerlerin saqtandyrý úshin jarnalardyń bolmaýyna qaramastan, osy qyzmetkerlerdiń derekterin osy jyldyń 3-toqsanynyń sońyna deıin msb.fms.kz saıtyna engizýi qajet.
Shtab tóraǵasy Erjan Babaqumarov alǵashqy medıtsınalyq-sanıtarlyq kómek uıymdary deńgeıinde túsindirý jumystaryn kúsheıtýdi tapsyrdy. Saqtandyrylmaǵandardyń basym bóligi shaǵyn jáne orta bızes sektoryna tıesili bolǵandyqtan, Almaty qalasynyń kásipkerlik jáne ınvestıtsııalar basqarmasy «Atameken» kásipkerler palatasymen, Іskerlik jáne Óńirlik keńestermen birlesip, shaǵyn jáne orta bıznestiń ereksheligine nazar aýdara otyryp, jumys tásilderin ózgertý qajet.
Erjan Babaqumarov MÁMS júıesi birinshi kezekte sapaly jáne tolyqqandy medıtsınalyq kómek kórsetýdi qamtamasyz etetindikten, halyqty barynsha qamtý jónindegi jumystyń mańyzdylyǵyn atap ótti. Áleýmettik medıtsınalyq saqtandyrý paketi sheńberinde qala turǵyndary medıtsınalyq qyzmetterdiń keńeıtilgen spektrine, onyń ishinde tegin medıtsınalyq kómektiń kepildik berilgen kóleminiń paketine kirmeıtin qymbat rásimderge qoljetkize alady.
