Mamonttyń qańqasyn tapqan qyrǵyz jastaryna smartfon tabys etildi
ASTANA. QazAqparat - Ejelgi dáýirde ómir súrgen dala ziliniń (mamont) qańqasyn tapqandarǵa smartfon tabys etildi, dep habarlaıdy kyrtag.kg agenttigi.
Ystyqkól oblysynyń ákimshiliginiń habarlaýynsha, oblystyq K.Jantóshev atyndaǵy mýzyka drama teatrynda stýdentter men jastar uıymdarynyń basqosýy ótkizilgen.
Osy jıynda oblys aýmaǵy boıynsha Úkimettiń ýákiletti ókili Asqat Ákibaev Otradnoe aýylynyń ákimi Baqyt Jumabekov, kishi mılıtsııa leıtenanty Nurlan Úsipbaev, sondaı-aq Orlınoe aýylynyń turǵyndary Qanat Bolotov, Ermek jáne Erlan Kúletovtarǵa dala ziliniń qańqasyn tapqany ári arnaıy mekemege tapsyrǵany úshin alǵys bildirildi.
«Alyp janýar qańqasynyń Mádenıet jáne tarıh jylynda ashylǵany jaqsylyqtyń nyshany. Osyny taýyp ári bizge tapsyrǵan jastarǵa alǵys aıtamyn, bul jańalyq álem tarıhy men onyń evolıýtsııasyndaǵy jańa paraqshany ashty», - dedi Ashat Ákibaev.
Aýyl turǵyndarynyń azamattyq isin estigen «Kassana Mınerals» mekemesiniń basshylyǵy úsh jigitke smartfon syılaǵan.
«Bul Ystyqkól jerindegi tabylǵan sońǵy tarıhı qundylyq emestigine senemin, kelesi joly jádiger tabylsa jigitter ony óz smartfondarymen sýretke túsirip alady», - dedi «Kassana Mınerals» mekemesiniń dırektory Talant Mederov.
