Mamonttyń altyn jalatylǵan qańqasy 15 mln. dollarǵa satyldy
ASTANA. QazAqparat - Brıtandyq sýretshi Demen Herst ázirlegen altyn jalatylǵan mamont qańqasy aýktsıonda 15 mıllıon dollarǵa satyldy, dep habarlady sheteldik BAQ.
Kann kınofestıvali aıasynda ótken dástúrli aýktsıonda 3 metrlik mamonttyń altyn jalatylǵan qańqasyn shyqqan tegi reseılik amerıkandyq mıllıarder Len Blavatnık satyp alǵan.
Aıta keterligi, aýktsıonnan túsken barlyq qarjy JITS/AQTV aýrýlaryn zertteý jumystaryna jumsalatyn bolady. Jalpy, aýktsıon barysynda satylǵan jádigerler 35 mln. dollarǵa baǵalandy.
