Mamont tisterin Qazaqstan arqyly Qytaıǵa alyp ótpek bolǵan
«Sarapshylardyń baǵalaýynsha, olardyń salmaǵy – 5 tonna, al quny – 1 mlrd teńge. Ejelgi alyp janýarlardyń qaldyqtary elimizge Reseı Federatsııasy Saha (ıAkýtııa) Respýblıkasynan ákelingen. Qazaqstannyń ýákiletti organyna zattardy alyp shyǵýǵa lıtsenzııa berilýi úshin akkredıtatsııadan aıyrylǵan reseılik mamannyń mádenı qundylyǵy joqtyǵy týraly jalǵan qorytyndysy usynylǵan»
, - delingen málimdemede.
Sot aıyptalýshyǵa 4 jarym jyl bas bostandyǵynan aıyrý týraly jaza taǵaıyndady. Sondaı-aq, tisterdiń negizgi bóligi QR Ulttyq mýzeıine, qalǵany zańdy ıeleri - sahalyq kásipkerlerge berildi.
Sot aktisi zańdy kúshine engen joq.
Aıta ketsek, mamont tisterin zańsyz jolmen alyp ótpek bolǵan reseılik ótken jylǵy qazanda Nur-Sultan áýejaıynda ustalǵan bolatyn.
Bas kólik prokýratýrasy reseılik áriptesterimen birlese otyryp, aıyptalýshynyń kinásin dáleldeıtin qajetti aıǵaqtardy jınady.
Sot protsesi barysynda memlekettik aıyptaýshy bastamasymen QR Bilim jáne ǵylym mınıstrligine qylmys jasaýǵa yqpal etetin sebepter men sharttardy joıý týraly jeke qaýly shyǵaryldy.
«Paleontologııa zattarynyń eksportyna lıtsenzııa berý tártibin qaıta qaraý qajet. Memlekettik qyzmet kórsetý merzimderin uzartyp, komıssııa quramyna Mádenıet jáne sport mınıstrligi ókilderin qosý kerek. Sebebi, qoldanystaǵy zańnama boıynsha bir táýlik ishinde qundylyqtarǵa tek qana usynylǵan qujattar negizinde obektıvti baǵa berý qıynǵa soǵady», - dep kórsetedi organ.