Mamyrdaǵy tosyn minez: Qazaqstanda 24–26 mamyr aralyǵynda úsik júredi

ASTANA. KAZINFORM — «Qazgıdromet» RMK 24–26 mamyr aralyǵyna arnalǵan Qazaqstan boıynsha aýa raıy boljamyn jarııalady.

— Qazaqstannyń soltústik óńirlerine ystyq jaz bir kelmeı-aq qoıdy. El aýmaǵynyń basym bóligine jańbyr men naızaǵaı ákelgen tsıklonnan keıin endi soltústikten antıtsıklon jyljyp kele jatyr. Ol batys aımaqtarda jaýyn-shashynnyń toqtaýyna jáne soltústikte aýa temperatýrasynyń aıtarlyqtaı tómendeýine sebep bolady, — dep túsindirdi sınoptıkter.

25 mamyrda Batys Qazaqstan oblysynda, 25 mamyrda Aqtóbe, Qostanaı, Aqmola, Soltústik Qazaqstan oblystarynda, al 26 mamyrda Pavlodar oblysynda túngi ýaqytta 1–3 gradýs úsik  júredi dep kútiledi.

Aıta keteıik, keshe aýa raıyna baılanysty birqatar óńirde eskertý jarııalanǵan bolatyn.