Mamyrda jańa ıpotekalyq turǵyn úı baǵdarlamasy iske qosylady – mınıstr

ASTANA. KAZINFORM – Ónerkásip jáne qurylys mınıstri Qanat Sharlapaev jańa baspana baǵdarlamasy týraly málim etti.

«Mamyrda «Otbasy bankimen» jańa ıpotekalyq baǵdarlama iske qosylady. Ipotekalyq nesıe áleýmettik osal toptarǵa 7 paıyzben, qalǵan sanattaǵy azamattar úshin 9 paıyzben beriledi. Alǵashqy jarna 20 paıyzdy quraıdy», - dedi Qanat Sharlapaev Úkimet otyrysynda. 

Turǵyn úı baǵdarlamasy monoqalalarmen qatar aýylda da qoldanysqa engiziledi. 

«Jalpy bólinetin qarajattyń 30%-dan aspaıtyn mólsherde monoqalalar men eldi mekenderde turǵyn úıdi ekinshi naryqtan satyp alýǵa bolady. Bıyl 300 mlrd teńgege 12 myń ıpotekalyq nesıe berilse, odan ári 8 myń nesıe berý úshin jyl saıyn 200 mlrd teńge qarastyrylady», - deıdi vedomstvo basshysy. 

Sondaı-aq, mınıstr Memleket basshysynyń Ulttyq quryltaıda bergen tapsyrmasyna sáıkes satyp alý quqyǵymen beriletin arendalyq turǵyn úı týraly aıtty. 

«Onyń kólemin birneshe esege arttyryp, jańa ıpotekalyq baǵdarlamany iske qosýy qajet. Mehanızmderdiń negizgi sharttaryna toqtalatyn bolsam. Ákimdikter jeke qurylys kompanııalarynan aýdany 80 sharshy metrdi quraıtyn jańa turǵyn úıdi satyp alady. Tıisti normalardy Úkimet qabyldady, mamyr bastap qarjylandyrý bastalady», - deıdi ol. 

Aıta ketsek, Májiliste kezekte turǵandarǵa arendalyq turǵyn úıdi jekeshelendirý quqyǵyn beretin zań jobasy qaralyp jatyr.