Mamyrda qurǵaqshylyq bola ma? — Qazgıdromet boljamy
ASTANA. KAZINFORM – Qazgıdromet mamyrǵa qurǵaqshylyq boljamyn shyǵardy. Bul týraly “Qazgıdromet” RMK baspasóz hatshysy Alına Ysmaǵulova aıtty.
«Jalpy, 2024 jyldyń mamyrynda negizgi egin sharýashylyǵy óńirlerinde ylǵal kóbinese normaǵa jýyq jáne joǵary bolady dep kútiledi. Qyzylorda oblysynyń Qarmaqshy aýdanynda atmosferalyq qurǵaqshylyq kútilýde, munda jaýyn-shashyn tapshylyǵy men aýa temperatýrasynyń joǵarylaýy boljanady. Mamyrda Qostanaı oblysynyń Qarasý aýdanynda, Batys Qazaqstan oblysynyń Býrlın, Syrym jáne Qaratóbe aýdandarynda, Pavlodar oblysynyń Ertis jáne Ýspenka aýdandarynda jáne Pavlodar qalasynda óte ylǵaldy bolady dep kútiledi», - dedi ol Ortalyq kommýnıkatsııalar qyzmetindegi brıfıngte.
Onyń atap ótýinshe, eldiń qalǵan aýmaǵynda ylǵaldaný jaǵdaıy normaǵa jýyq bolmaq. Boljam www.agrodata.kz qosymshasynda jáne «Qazgıdromet» RMK resmı saıtynda jarııalandy. Qajet bolǵan jaǵdaıda aldyn ala boljam naqtylanady.
