Mamyrda qýańshylyq qaı óńirlerde kútiledi – Qazgıdromet boljamy

ASTANA. KAZINFORM – Bıyl mamyrynda egin sharýashylyǵymen aınlasatyn óńirlerde ylǵaldylyq kóbine normaǵa jýyq jáne joǵary bolady dep kútilýde. Bul týraly Qazgıdromet RMK argometeorologııalyq boljam basqarmasynyń basshysy Qamar Sálıeva málim etti.

«Qyzylorda oblysynyń Qarmaqshy aýdanynda atmosferalyq qurǵaqshylyq kútilýde, munda jaýyn-shashynnyń tapshylyǵy men aýa temperatýrasynyń joǵarlaýy boljanady», - dedi Qamar Salıeva BAQ ókilderine arnalǵan baspasóz máslıhatynda. 

Sondaı-aq, spıker birqalypty ylǵaldy jaǵdaı saqtalatyn óńirlerdi atady: 

SQO 
Aıyrtaý jáne Ǵ.Músirepov atyndaǵy aýdan;
Qostanaı oblysy
Qarabalyq, Sarykól, Qarasý, Áýlıekól aýdandarynda jáne B.Maılın atyndaǵy aýdan;
Aqmola oblysy
Zerendi, Sandyqtaý, Atbasar, Aqkól, Jarqaıyń, Astrahan jáne Shortandy aýdany;
Pavlodar oblysy
Aqtoǵaı, Ertis, Jelezınka, Qashyr, Ýspenka, Sharbaqty jáne Maı aýdany;
Batys Qazaqstan oblysy
Kaztalov, Jánibek, Tasqala, Aqjaıyq, Jańaqala aýdandarynda jáne Oral qalasy;
Aqtóbe oblysy
Áıteke bı, Baıǵanın, Qarǵaly, Muǵaljar, Yrgyz, Oıyl aýdandarynda jáne Aqtóbe qalasy;
Atyraý oblysy
Qurmanǵazy, Mahambet, Qyzylqoǵa aýdandarynda jáne Atyraý qalasy;
Mańǵystaý oblysy
Beıneý jáne Mańǵystaý aýdany;
Qaraǵandy oblysy
Aqtoǵaı aýdany;
Shyǵys Qazaqstan oblysy
Glýbokoe, Samara, Katonqaraǵaı, Kýrshım aýdandarynda jáne Altaı aýdany;
Túrkistan oblysy
Qazyǵurt jáne Qarataý aýdany.

«Mamyrda Qostanaı oblysynyń Qarasý aýdanynda, Batys Qazaqstan oblysynyń Býrlın, Syrym jáne Qaratóbe aýdandarynda, Pavlodar oblysynyń Ertis jáne Ýspenka aýdandarynda jáne Pavlodar qalasynda aýa raıy ylǵaldy bolady. Eldiń qalǵan aımaqtarynda ylǵaldaný jaǵdaıy normaǵa jýyq bolady dep kútilýde. Qajet bolǵan jaǵdaıda aldyn ala boljam naqtylanady», - deıdi ol. 

Aıta ketsek, aýa raıy boljamy www.agrodata.kz mobıldi qosymshasynda jáne «Qazgıdromet» RMK resmı saıtynda jarııalanady.