Mamyrda Qazaqstannan 10 elge jańa áýe reısteri ashylady

ASTANA. KAZINFORM – Kólik mınıstrligi birneshe baǵytta halyqaralyq áýe reısteri qatynaıtyny týraly habarlady.

- Bıyl mamyr aıynan bastap Qazaqstannan 10 elge ushýǵa múmkindik beretin jańa áýe baǵyttary ashylady. Bul memleketterdiń qatarynda Majarstan, Germanııa, Túrkııa, Grýzııa, Ázerbaıjan, Qyrǵyzstan, Ózbekstan, Qytaı, Koreıa jáne Vetnam bar, - delingen habarlamada.

«SCAT» áýe kompanııasy mamyr aıynda Shymkent qalasynyń áýejaıynan tómendegideı jańa áýe marshrýttardy ashýdy josparlap otyr:

27 mamyrdan bastap:

Shymkent – Býdapesht (Majarstan), aptasyna 2 reıs;

Shymkent – Mıýnhen (Germanııa), aptasyna 3 reıs;

29 mamyrdan bastap:

Shymkent – Shanhaı (Qytaı), aptasyna 2 reıs;

Shymkent – Seýl (Koreıa), aptasyna 2 reıs.

Sondaı-aq «Air Astana» áýe kompanııasy birqatar jańa halyqaralyq áýe qatynasyn iske qosýdy josparlap otyr:

14 mamyrdan bastap: Astana – Danang (Vetnam), aptasyna 2 reıs;

27 mamyrdan bastap: Atyraý – Tbılısı (Grýzııa), aptasyna 3 reıs;

28 mamyrdan bastap: Almaty – Osh (Qyrǵyzstan), aptasyna 4 reıs;

31 mamyrdan bastap: Atyraý – Baký (Ázerbaıjan), aptasyna 3 reıs.

«Fly Arystan» áýe kompanııasy:

18 mamyrdan bastap: Almaty – Qulja (Qytaı), aptasyna 2 reıs;

28 mamyrdan bastap: Astana-Gazıpasha (Túrkııa), aptasyna 2 reıs.

- Ózbekstandyq «My Freighter» (Centrum Air) áýe kompanııasy bıyl 5 mamyrdan bastap aptasyna 2 reıs «Almaty – Tashkent» (Ózbekstan) baǵytyn iske qosty. Sondaı-aq, 13 mamyrdan bastap «Azerbaijan Airlines» áýe kompanııasy «Astana – Baký» (Ázerbaıjan) baǵyty boıynsha reısterdiń jıiligin aptasyna 3-ten 4 retke ulǵaıtýdy josparlap otyr, - dep tolyqtyrdy vedomstvodan.

Aıta keteıik, mamyrdyń basynda «Astana-Samarqand» baǵyty boıynsha jańa áýe reısi ashyldy.