Mamyrda Gambııa astanasynda Islam yntymaqtastyq uıymynyń sammıti ótedi

ASTANA. KAZINFORM – 4-5 mamyrda Gambııanyń Banjýl qalasynda Islam yntymaqtastyq uıymynyń 15-shi sammıti ótedi. Bul týraly QR Syrtqy ister mınıstrliginiń resmı ókili Aıbek Smadııarov aıtyp berdi.

«Shara barysynda taraptar óńirlik jáne halyqaralyq kún tártibindegi máselelerdi, onyń ishinde Taıaý Shyǵys beıbitshilik protsesine kómek kórsetý, halyqaralyq terrorızm men ıslamofobııaǵa qarsy kúres, kedeılikti joıý jáne uıymǵa múshe elderde turaqty damýdy qamtamasyz etý máselelerin, sondaı-aq uıymnyń odan ári damý perspektıvalaryn talqylaýdy josparlap otyr», - dedi Aıbek Smadııarov mınıstrliktiń aptalyq brıfınginde.

Bul is-sharaǵa Qazaqstan tarapynan Syrtqy ister mınıstriniń orynbasary Álibek Baqaev qatysady.