Mamyrda 4 myńnan astam adam shekara tártibin buzǵan — UQK

ASTANA. KAZINFORM — UQK Shekara qyzmetiniń 2025 jylǵy mamyr aıyndaǵy is-qımyl nátıjeleri jarııalandy.

2025 jylǵy mamyr aıynda QR Ulttyq qaýipsizdik komıtetiniń Shekara qyzmeti memlekettik shekarany kúzetý jáne qorǵaý boıynsha mindetterdi oryndaý barysynda quzyrly organdarmen ózara is-qımylda birqatar zańbuzýshylyqtyń jolyn kesti.

Shekara keńistiginde QR zańnamasyn buzǵan 3 963 tulǵa ustaldy, onyń ishinde:

• 30 shetel azamaty — shekarany zańsyz kesip ótkeni úshin;
• 26 shetel azamaty — shekarany buzýǵa áreket jasaǵany úshin.

1 443 zańsyz alyp ótý faktisiniń joly kesildi, onyń ishinde:

• Esirtki quraldary men prekýrsorlar — 5 kg-dan astam, sonyń ishinde 200 kg-nan astam prekýrsor;
• Qarý-jaraq pen oq-dári — 62 fakt (1 jaramsyz atys qarýy, 3 atys qarýy, 1 travmatıkalyq qarý, 464 dana sýyq qarý, 93 dana oq-dári, 23 dana elektroshoker);
• Dinı ádebıet — 135 dana (26 fakt);
• Janar-jaǵarmaı materıaldary — 373 fakt, 50 000 lıtrden astam, jalpy somasy 27 mln teńgeden asady;
• Halyq tutyný taýarlary — 837 fakt, jalpy quny 2,8 mlrd teńgeden astam;
• Shetel valıýtasy — 133 fakt, jalpy somasy 1,4 mlrd teńgeden astam.

Kaspıı teńizi akvatorııasynda 32 brakonerlik árekettiń joly kesildi, sondaı-aq kelesi zattar tárkilendi:

• 21 júzý quraly;
• 40 km-den astam brakonerlik tor;
• 140 dana (770 kg) bekire tuqymdas balyq;
• Aldyn alynǵan zalal somasy — shamamen 320 mln teńge.

Barlyq anyqtalǵan zańbuzýshylyqtar boıynsha materıaldar quqyq qorǵaý jáne sot organdaryna tıisti zań aıasynda sheshim qabyldaý úshin joldandy.

Memlekettik shekara boıynsha shekteý sharalary engizilgen joq, barlyq ótkizý pýnkti qalypty rejımde jumys istep jatyr.

Buǵan deıin UQK Aqmola oblysynda jarylǵysh zattardyń zańsyz aınalymyn toqtatqanyn jazdyq.